ISAIAH 26:18 - Cho Bible Common Language 2016

¹⁸ Keimi cu nat m’neh ne kami cümbawng ci, cun ung phi a i ah phi kä kami hta ci. Keimi kami khaw ah phäh ah näng nak kä om ci; a i phi kä kami m’khüt ci.

ISAIAH 26:18 Referans Kwoze

HOSEA 13:13

Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

ISAIAH 37:3

Shin cu Isaiah am ami pek vaiah am thein gui ah ng’thu ah kyak ci; “Tuh ngami cu yaica nak ah hnünp ah kyak ci; mikmi cu m’kyuk nak gah ne lüng’aa ne mi om ci. Mi’kmi cu hta law ge vai neta, ak tha maih ciah hnumi ah mäih ah mi kyak ci.

2 GHANGPUGHANG GUI 19:3

Shin cu Isaiah am ami m’thein vai ah a pyen nak gui ah ng’thu ah kyak ci: “Tuhngawi cu khüikha nak ah hnüüp ah kyak ci; mikmi cu m’kyuk nak mi gah ne mi lü ng’a ci. Mikmi cu hta law ge khai ah hnumi ak tha maih sei kä hta hlawt ciah mäih ah mi kyak ci.

ISAIAH 33:11

Nangmi naw akholä vai cu nami pawngpüi ci, nami bi phung cu akholä ah kyak ci. Kei ah ka mümcha cu mei ah mäih ah kya ne ning m’di gui khai.

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

1 SAMUEL 11:13

Cun ung phi Saul naw, “Tuhngawi hnüüp ung a u phi kä ngawn vai nei, tuhngawi cu Bawipa naw Israel gui a hun nak ah ka kyak ci nei.”

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.