ISAIAH 26:15 - Cho Bible Common Language 2016

¹⁵ Bawipa, nang naw kami pakhui cu na ng’ghaw sak ci nei, van ah khawpäng cu akit päng ung na ng’shawng sak ci nei, acun cu nang ning m’tam nak vai ah kyak ci nei.

ISAIAH 26:15 Referans Kwoze

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

JOHAN 15:8

Akda ah nami m’theih tak nak awn Kapa ah bämang nak cu nami dang sak ci; nangmi cun phi kei ah ng’düihpüi ah nami kya lawk ci.

EZEKIEL 36:24

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

ISAIAH 33:17

Nangmi naw khaw khäm ne, khaw cawi avan ung gawk kaai ah bämcam ne uk ciah ghangpughang cu nami hmu law ba khai nei.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

KHEI NAK 23:10

Israel gui ah htangshon cu m’vut khui ah mäih ah kyak ci gui. Ngami cu khei plah gui vai ah da aih ci gui. Khanpughi ah chang tumat mat ah mäih ah kei ah khaw hnüüp gui cu nang pyi sak ä. Düng ciah chang ah mäih ah dimdeeih nak ung na sih sak ä.”

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

ISAIAH 6:12

Kei naw chang gui a hei ah ka k’täm gui khai, khaw avan cu shin khai ah ka cik khai.

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

1 GHANGPUGHANG GUI 8:46

“Na chang gui naw ning hnungtuk ne hma u ne — kä hma ci a u kä a om ba ah a kyak ung — na m’lungshe nak awn ami ga gui am na hnim sak gui ah a kyak ung, ngami cu pha gui ne thawngcum ah a hei kho ah ami hteh püi ung, cun ah khaw cu shou nu ciah a kyak ungphi,

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

JOB 12:23

Ani naw changpakhui gui cu khüighat sak ne dämduh sak ci, cun ung phi cun kawn ah ani naw hniim hgui ne m’di gui ci.

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”