ISAIAH 26:14 - Cho Bible Common Language 2016

¹⁴ Tuhbäi, ngami cu sik ci gui, kä ghing ba khai gui nei; Ngami ah m’cha cu kä tho ba khai nei, nang naw m’kyuk gui ne, na m’di gui ah phäh ah kyak ci nei. A u naw phi ngami kä shüm ba gui khai nei.

ISAIAH 26:14 Referans Kwoze

NG'THU K'THUUK~ 10:7

Changnigui cu shüm gui vai. Cun cu phyuhtheh nak ah kyak ci, changshe gui cu ang ghit ah m’hnih gui vai kyak ci.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

SAM 106:28

Cun kawn ah Peor ung Khanpughi ah chang gui cu Baala khawihnah ci gui ung ng’dawn tu u ne, sik ciah khanpughi gui ah ghu tha nak cu ei tuk ci gui.

THU PHLAAN 20:5

(Cun ung k’pawih ba ciah sik ci gui läi cu khokum phiaa ghaa ang pyi kawn ah ghing ne tho ba ci gui.) Shin cu ak htük bäih ah sik ci gui ah thawh ba nak ah kyak ci.

MATTHE 2:20

“Tho law ne ak hmaw la anu cu Israel kho ah hteh püi ba goi ä, akhmaw ngawn hlük ciah chang gui cu si pyii ci gui nei,” cine pyein ci.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.

SAM 9:6

Kami ga gui cu ng’pyi pyi ci gui, Nang naw ami mang gaw gui cu na m’di pyi ci, Ngami cu ng’pyi ne htin ci gui.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

PHYAWN NAK 14:30

Cun ah hnüüp ung Bawipa naw Israel gui cu Egypt gui ah kut ungka hun gui ci. Ngami cu tuikem ah si ne ng’yän u sei, Israel gui naw hmu gui ci gui.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

SAM 36:12

Changshe gui cu kyu ne ng’zän ci gui nei, ami ng’zän nak ung ka, kä tho ba hlawt ci gui nei.

SAM 59:5

Tho vä, Bawipa Khanpughi, A hlüngtai, law ne nam htei law ä; Israel Khanpughi, na mät naw hmu ä! Tho law ne kä yum ci gui cu m’kat gui ä, akshe bik ci gui cu kä m’gein-en gui ä!

SAM 135:17

Ami hnga om ci kä ng’ya thei ci gui; Ngami cu kä ng’ghi ng’ghawk ci gui.

THUSHÄUTU 9:5

Ä, ghing ci gui naw ami sih law vai cu hmat ci gui, cun ung phi sik ci naw a i kä hmat ci. Ngami ung m’cümhnah nak kä om ba ci; ngami cu akshe m’hnih gui ah kyak ci.

ISAIAH 29:6

m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

JOB 7:9

Khongmei ng’kawn law ne amaih ah mäih ah, chang cu asih ung kä ng’hlat law ba ci nei; ani hmat ciah chang avan naw ani cu m’hnih ci gui.

JOB 18:17

Kho kyong khjo k’pung ung ani ah ming cu kä thang ba sei, Ani u a u naw phi kä shüm ba khai.

JOB 24:20

Ani cu amät ah anu naw phi kä shüm ba ci, kyu ne ng’yän ciah sing ghing ah mäih ah m’kyiit gui naw m’di ci gui.