ISAIAH 26:12 - Cho Bible Common Language 2016

¹² Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

ISAIAH 26:12 Referans Kwoze

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

SAM 57:2

Ak hlüngtai pi bäih, Khanpughi ah ka ng’khü ci, ka ng’yak hlü päng, na k’be ciah Khanpughi ah.

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

EZEKIEL 20:14

Cun ung phi Egypt khaw ah ka Israel gui ka luh law püi ba gui sang ung na hmuk ci gui ah changpakhui gui ah ng’lung, kei ah ka ming cu thang shek khai kyasei, cun ah kä ka bik ci nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

ISAIAH 57:10

Nangmi cu ahei khanpughi gui shui ne nami cümbawng ung phi, kä nami m’lung k’si p ung ci. Nangmi naw shemshai ciah agup gui naw thagui ning pek gui ciah nami ngai ci, cun ah kya ne nami thagui kä ken law phung ci.

SAM 68:28

O Khanpughi, na huham dang sak ä, Keimi ah chaw ah na mang ah huham nei,

SAM 90:17

Bawipa kami Khanpughi, na hriham cu keimi ah khan ah gawk law sä. Kami bi nak phung ung näng nak na pe gui ä!

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

KHEI NAK 6:26

Bawipa naw hmai kyang ne ning teng gui ne, dimdeeih nak ning pe gui sä.

SAM 57:3

Ani naw khan kho ah ka naw na m’shang ne, na hun khai; kei na m’di hlük ci gui cu hnim gui khai. Khanpughi naw ng’täi ciah am hni nak la a bekhüt nak cu na m’hnun khai.