ISAIAH 26:10 - Cho Bible Common Language 2016

¹⁰ Nang naw changshe gui cu na m’gein gui ung phi, Ngami naw düng ci bi vai cu kä ng’thei phung ci gui nei. Shin ah chaung düng gui ah khaw ung phi ngami naw a cheishoh bi lä ci gui nei; Nang ah dämduh nak k’püüi tu vai ah mak ci gui nei.

ISAIAH 26:10 Referans Kwoze

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

THUSHÄUTU 3:16

Be nak ah taga nak la ng’düng nak a om nak vaisü ah shin ah khomdek khan ung shetkat nak düt mi hmuk ciah kei naw ka hmat ci nei.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

SAM 106:43

A chang gui cu Bawipa naw akda vei gung gui ci, cun ung phi ngami naw hnu ng’tuk püi nak vai ghü u ne, katnak ung thuuk law pi sei ng’hnim ci gui.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

PHYAWN NAK 9:34

Ghangpughang naw cun gui cu hmu neta, katnak bi ba ci. Ani la a bawi gui cu ling ba lä ci gui.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

ISAIAH 2:10

Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

SAM 143:10

Nang cu ka ning Khanpughi nei; na ng’yak hlü bi vai ah na m’htei ä. Kei ung ni ne, phyawn nak ah lam cu na m’shüm ä.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

MATTHE 4:5

Cun kawn ah khoshe naw Bawipa Jesuh cu Jerusalem, theingcim pi ciah gawnu ung, ak hlüng pibäih pum im khan ah hteh püi netah;

PHYAWN NAK 9:30

Cun ung phi nang la na bawi gui naw, Bawipa, Khanpughi cu kä nami kyih aa ciah kei naw ka hmat ci nei.

SAM 69:27

Ami cheishoh nak avan cu m’hnüt pe gui ä; na hun nak ung api ah phi kä gawk en sak gui ä.

ISAIAH 32:7

Sahai ciah chang cu shekha ne, akshekha gui bik ci; ani naw dukhaih ci gui ah di nak vai ah m’zih thuh hleei hlak ne, ami chaw phi häu sak gui ci.

2 GHANGPUGHANG GUI 13:6

Cun ung phi ghangpughang Jeroboam naw Israel gui a hteh püi nak gui ah katnak cu ngami naw kä ng’hla ta phak ci gui, k’täi ne hma lä ci gui; khanpughinu Asherah ah a gup phi Samaria ung om lä ci.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

ISAIAH 1:21

Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.