ISAIAH 25:1 - Cho Bible Common Language 2016

¹ Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 25:1 Referans Kwoze

PHYAWN NAK 15:2

Bawipa cu khäng ciah ka ng’yii nak, ani cu kei na hun ciah kyak ci; Ani cu ka Khanpughi, kei naw ka m’taam khai, Kapa ah Khanpughi, kei naw ani ah dämduh ah mawng ng’äi ka m’cu khai.

SAM 118:28

Nang cu ka ning Khanpughi nei, ka ning yei nak ci nei; Na dämduh nak ah mawng cu ka ng’shäu khai nei.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

SAM 98:1

Bawipa ah ma ah ng’äi thai m’cu vä; Ani naw cäicat vai gui bi pyi ci nei! Amät ah huham la ng’cim ciah thagui awn, ani naw näng nak hmuh pyi ci nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 28:29

Shin ah cüi vai nak gui avan cu m’gäi ciah Bawipa ung ka lawk ci. Khanpughi naw abi ah m’hnütbäi nak cu lunglang ci, cun gui co angtäi sei m’khütnäng nak ah kyak ci!

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

THU PHLAAN 7:12

“Amen! Mi Khanpughi cu hlüngtai nak, bämang nak, cüivai nak, yeikyai nak, chang m’sui nak, m’kümtou nak la küikyang nak gui awn, ang shon päng ung kümbe ne om sä, Amen!” cine m’lau ci gui.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

SAM 146:2

Kei ka ghin ah chuih Bawipa cu ka m’tam khai nei; ka ghin nak avan ung ka Khanpughi ah ng’äi ka m’cu khai nei.

SAM 99:5

Bawipa mi Khanpughi cu m’taam vä; A mang kiang ah pei ah khawihnah vä! Ani theingcim ci nei!

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

SAM 78:4

Mi hmaw gui am kä mi m’zih gui khai; Bawipa ah a huham, küikyang ciah a hnün thawh, la cäicat vai a bi gui cu mi hta ng’shon am mi m’thein gui khai.

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

SAM 111:4

Bawipa naw cäicat vai ah a hnünthawh gui cu kä na m’hnih sak gui ci; Ani cu lo’dük nak chimgein nak ah kyak ci.

SAM 89:1

O Bawipa, ng’täi ciah nam hni nak cu angtäi sei ng’äi ah ka m’cu khai nei; Na bekhüt nak cu angtäi sei ka ng’shäu khai nei.

ISAIAH 7:13

Ani am Isaiah naw, “Ngai vä, tuhbäi, David ghangpughang ah hta ng’shon gui. Chang gui naw ami ning chum vai ah na kyak cu she aih ci nei — khanpughi naw phi aning chum vai ah na kyak khai ma?

ISAIAH 11:5

Ani naw a chang gui cu taga nak la dung nak awn uk gui khai.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 40:27

Israel chang gui, Bawipa naw nami khüi kha nak kä ning hmat gui ciah pyen ne, kä taga ciah nami yaica ung kä ning m’htei gui ciah pyen ne, a i ah kyasei ng’thu nami m’da ang?

ISAIAH 49:4

Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.

JOEL 2:26

Tuhbäi nangmi cu nami ei vai da sei, nami phü ci. Nangmi naw Bawipa nami Khanpughi cu nami m’taam khai, ani naw nangmi ah khan ah cäicat vai gui bi pyi ci. Ka chang gui cu a u naw kä päipih ba gui khai nei.

SAM 31:15

Kei cu angtäi sei na na tengkhen ci, ka gaa gui ah kut ung na hun ä, Ngami naw na dukdeiu nak ci gui.

SAM 40:6

Nang naw ghutha la vawih peh cu kä na ng’ya hlük ci nei; Nang naw khiksei ngawn ne m’khih ne, kiang ung taih la kat phyawn nak ah ghutha cu kä na k’thäh ci nei. Cun ung phi na ng’thu ng’yak vai ah hnga cu na na pek ci nei,

SAM 75:2

Khanpughi naw, “M’kho m’cha nak vai ah khin cu kei naw k’bäi ne, düng nak awn ka m’khoi m’chak khai nei.

ISAIAH 46:11

Kei naw akiang täng ung ka lawk khai ah chang tumat ka khü ci; Ani naw hmu kiung ah mäih ah m’tawn ne ng’phäi law ne, kei naw ka pawng püi phung bilo khai nei. Kei naw ng’thu ka pyen ci, ka pyen ah mäih ah bik khai nei.