ISAIAH 24:8 - Cho Bible Common Language 2016

⁸ Tingtäng gui la htingceei gui yeikyai ne tumkhawn nak cu tuhbäi kä om baci nei.

ISAIAH 24:8 Referans Kwoze

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

THU PHLAAN 18:22

Nang ungka tingtäu tum k’aw, phiphät phyungheng k’aw gui phi kä ng’yak ba vai nei. Bi bik ci gui phi kä hmuh ba vai, lungkhiing ah ng’ghin phi kä ng’yak ba vai nei!

EZEKIEL 26:13

Kei naw nami ng’äi gui avn ng’pyi sak ne, nami tumkhawn ah tingtäng gui ka dip sak khai.

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

JEREMIAH 25:10

Yeikyai nak la lünlawi nak ah k’aw gui la ng’kawi cang nak pawi ah k’aw gui cu kei naw ka deeih sak khai nei. Ngami ung mei-im ungka vai situi phi kä om ba khai, pümhta phi kä om ba khai.

JEREMIAH 16:9

Kei m’aäi ciah Bawipa, Israel Khanpughi naw ka pyen cu nami ngaih vai. Ami zeikiai, lün lawi nak ah k’aw gui la hta m’um pawi ung ami yeikyai nak ah k’paw gui cu ka dim sak khai. Cun ah a kyak gui cu shin ung om ciah chang gui naw hmuk khai gui.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

JOB 30:31

Ayan läi yeikyai nak tumkhawn ng’äi awm ng’yak man te, tuhbäi läi thüikyah nak bäng ka ng’yak ci nei.

SAM 137:2

A cun ah pei ah sing ghing gui ung sing täng gui phi kami bat ci.

ISAIAH 5:14

M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.

ISAIAH 16:10

Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

NG’ÄI KYAH 5:14

Ghi ng’vai chang gui cu mang gaw m’kawt ung kä ngo ba ci gui. Chang nong gui kä tum khawng ba ci gui.

EZEKIEL 28:13

Nang cu Khanpughi ah dum Eden ung na om ci. Pyülung aming nü cu na awi ci: pyü lung, vailung, m’liulung, lelung, k’toulung, senlung, kyinglung, khing, lung gui cu na sui ci. Nang ah sui awi gui cu ghui ah kyak ci. Cun gui cu nang aning tüipian yah ge ung nang ah phäh ah a pyan ah kyak ci.

JOB 3:7

Cun ah mü cu pang ne dim ship ship sä, yei nak maih ciah mü ah kya sä.

AMOS 6:7

Cun ah kyasei nang cu omktu ah na hteit ma khai. Na mang pawi la na ng’huutcam nak cu ng’pyi khai.