ISAIAH 24:6 - Cho Bible Common Language 2016

⁶ Cun ah kyasei khanpughi naw khomdek khan ung plah taam nak gawk sak ci. A chang gui naw bi ah phu cu pek ci gui. Ken law pi, ken law pi cicu k’pawih lawk ci gui.

ISAIAH 24:6 Referans Kwoze

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

MATTHE 7:14

Ang täi ghin nak ah lam la m’kawt cu ng’hteik ciah kyasei, cun ah lam hmuk ci gui cu ken ci gui.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

MALAKHI 4:6

Kei naw law ne nami khaw kä ka m’di vai ah, ani naw pa gui la ami hta gui cu kawng ät ba sak gui khai” cik ci.

TAIGÜTHUM 26:22

Nami ng’lung ah kyih she ciah khisa cu kei naw ka tüi lawk khai, a cun gui naw nami hta gui lo u ne, nami vuhchah gui m’di khai gui, api hta bäng ning pawih na gui khai, nami lam gui cu ng’gau khai.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

MALAKHI 3:9

Nami van ah khan ah plah tam nak om ci, a i ah kyasei ci ung changpakhui avan naw nami na gut tep ci nei.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

EZEKIEL 5:3

Lumu api cu la ne na sui pyai ung htun ne tha ä.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

THULÄÄN NAK 28:62

Nangmi cu khankhomik ung aisi chü ah nami da law pang ung phi, api vah nami pawih ba khai. A i ah kyasei ci ung nangmi naw Bawipa nami Khanpughi cu kä nami läk ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

2 GHANGPUGHANG GUI 24:12

Ghangpughang Jehoiachin, anu, a hta gui, a bawi gui la mang im ung bawi gui ami van cu Babilonian gui ah ka ah ng’dawkphah ci gui. A uknak a kum cheit nak ung Nebukhadnezzar naw Jehoiachin cu thawng ung chum ci,

2 GHANGPUGHANG GUI 25:12

Cun ung phi du aih ne khawh kä tak ci gui cu nawng shüt gui ne, sapyit dum la lolai gui ung bii bik khai gui ah tha shüt gui ci.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.