ISAIAH 24:5 - Cho Bible Common Language 2016

⁵ Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ISAIAH 24:5 Referans Kwoze

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

HEBRU 9:1

Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

DANIEL 9:10

Aw Bawipa kami Khanpughi, na chang shäm prophet gui ung na pek gui ah thukhän ah mäih ah kami om ih vai ah na na pyen nak gui yah ung, keimi naw kä kami ning ngai ci.

EZEKIEL 20:24

Cun ah a i ah kyasei ka bi ci ung, ngami naw ka thumkhän gui hnu na u ne, ka thukhän gui m’shet u ne, kyiin hnüüp cu a i ah kä ngai u ne, ami pupa gui naw ami khawihnah man ah acun ah agup gui bä ami khawihnah ah phäh ah kyak ci.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 105:10

Bawipa naw Jakob awn thumkhän bik ci, cun cu a ngawi ah phi kä maih khai.

SAM 55:5

Kei cu kyi aih ne, nak phawng sei ka ng’thüng ci; kyih nak ung ka gein vai ci.

2 SHONTÄP NAK 33:9

A chang gui shin ah khaw ung ami law yah ung Bawipa naw aktäm gui ah changpakhui gui ah bi ah katank ah tah däm pi khai ah katnak bik khai gui ah Manasseh naw Judah chang gui cu lam shüm gui ci.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

JOSHUA 24:25

Acun ah hnüüp ung Joshua naw chang gui ah phäh ah thukhän bik ci. Acun ung Shekhem ung ami läk vai ah thukhän gui la m’hnütbäi nak gui cu pe gui ci.

THULÄÄN NAK 32:20

“Kei naw kä ka m’hteihtang ba gui khai, cine ani naw pyen ci. Cun ah linglai ne kä bekhüt ciah chang gui ah khan ah a i ah kya lawk ci, cicu kei naw ka hmuk khai.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

TAIGÜTHUM 20:22

Bawipa naw, “Ka thukhän gui la ka thumkhän gui avan cu nami k’pan kheng vai. Cun ung nangmi cu kei naw ka ning hteh püi nak gui ah Kanaan khaw ung hnungtuk püi nak kä nami hmuk khai.

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 33:8

Lam ng’shawng nm gui cu kyih vai kyasei cun ung a u kä hteit ba ci nei. Ami thukhän gui cu m’shat u ne, ami yum ätnak gui cu plawh pyi ci gui nei. A u naw a i phi kä changm’sui law ba ci nei.

EZEKIEL 16:59

Uktu Bawipa naw pyen ci, “Nang awn na khin khai ah ka ning om püi khai, a i ah kyasei ci ung nang naw na shai tak a i ah kä sui ne thukh cu na m’shet ci.

JOSHUA 23:16

Bawipa nami Khanpughi naw nami pan vai aha ning thumkhän gui ah thukhän cu kä nami k’pan ah a kyak ung, a hei khanpughi gui ah a khut bi ne, nami khawihnah ah a kyak ung, ani naw am lungshe nak awn ning m’kyuk gui khai. Acun ung nangmi tumat phi, a ning pek gui ah shin ah khawni khaw ung kä nami law ba ge khai.”

2 GHANGPUGHANG GUI 21:12

Cun ah kyasei kei Bawipa Israel Khanpughi naw, cun ah a mawng ng’yak ci phung naw a cäicat vai ah Jerusalem la Judah ah khan ah leigai ka law püi khai.

2 GHANGPUGHANG GUI 21:15

Kei naw ka chang gui ah khan ah shin ah ka bik khai. A i ah kyasei ci ung ngami naw kei na hnung tuk püi ne katnak bi u ne, ami pupa gui Egypt khaw ungka naw ami law ba ungka naw tuh ngawi ung khüt khai ah kei ah m’lung cu na shet sak ci gui.”

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.