ISAIAH 24:23 - Cho Bible Common Language 2016

²³ M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

ISAIAH 24:23 Referans Kwoze

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 19:4

A ghaampa m’kulei-phli la khiküi paphli naw, mangkiaang ung ngok ciah Khanpughi cu khawihnah u netah “Amen, Khanpughi cu m’kümto vä” cine m’lau ci gui.

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JOEL 3:15

Hni la cha hmüp yawp ci, aisi gui kä khang ba ci.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

ISAIAH 33:17

Nangmi naw khaw khäm ne, khaw cawi avan ung gawk kaai ah bämcam ne uk ciah ghangpughang cu nami hmu law ba khai nei.

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 60:20

Nang ah thüi sei nak ah khohnüüp gui cu ng’pyi khai nei. Kei, Bawipa cu ng’täi ciah na k’dei ah kyak khai nei. Khohni la chapa ah mä khäng shou pi khai nei.

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ZEKHARIAH 14:6

Cun yah ung khaw akhiing nak, khüi ah toi nak kä om ba khai.

ZEKHARIAH 14:7

Khaw ah hmüp nak phi kä om ba khai, ng’täi sei hnüüp khaw dei ah kyak khai, mü ah phi dei khai. Cun ah a kyak law vai khin cu Bawipa bäng naw hmat ci.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”