ISAIAH 24:19 - Cho Bible Common Language 2016

¹⁹ M’dek cu teek ne, ng’phiäk ne, ng’bou neaang khai.

ISAIAH 24:19 Referans Kwoze

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

THULÄÄN NAK 11:6

Reuben pakhui Eliab ah hta goi, Dathan la Abiram ah khan ah a i abi cu nangmi naw nami ngai ba ci. Chang päng ah hmuh ah khomdek cu aang law ne, ngami la a kyong chang gui, ami pyu gui, ami changshäm gui, avan la ami seime gui cu m’yaw yawp ci.

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

2 PETER 3:12

Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.

KHEI NAK 16:31

Ani cun ah ang thu ang pyi vai am Dathan la Abiram ah ng’düih nak ung khomdek cu aang law ne,

KHEI NAK 16:32

ami kyong chang gui la Korah ah hnu läk gui, ami khawh gui avan cu m’yaw ci.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

ISAIAH 2:19

Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.