ISAIAH 24:16 - Cho Bible Common Language 2016

¹⁶ Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

ISAIAH 24:16 Referans Kwoze

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

JEREMIAH 5:11

Israel la Judah chang gui naw kei cu na ap ci gui nei, kei Bawipa naw ka pyen nei.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

JEREMIAH 3:20

Cun ung phi kä bekhüt ciah hnumi ah mäih ah, nangmi cu kei ung kä nami bekhüt ci, kei, Bawipa naw ka pyen nei.”

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

LAMKTU 13:47

Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.

MAKUH 13:27

Cun kawn ah chang ah Htapa naw, khankho chang gui cu tüi gui ne, khomdek khankho cawi ungka naw, khankho, kho cawi ung khüt khai ah, a ghü pyi ah chang gui cu, khäm ne k’bum sak gui khai.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

HOSEA 5:7

Ngami cu Bawipa ung kä bekhüt ci gui. Ami hta nau gui naw ani cu kä khäm ba ci gui. Cun ah kyasei tuhbäi ngami la ami khaw gui cu di law ge khai.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

ISAIAH 28:5

K’pawih ciah a chang gui ah hmawk ah, bäimang ciah cheipai lukhu ah mäih ah m’gäi ah m’gäi ciah Bawipa a kyak nak ah knüüp cu gawk lawk ci nei.

ISAIAH 26:15

Bawipa, nang naw kami pakhui cu na ng’ghaw sak ci nei, van ah khawpäng cu akit päng ung na ng’shawng sak ci nei, acun cu nang ning m’tam nak vai ah kyak ci nei.

ISAIAH 17:4

Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.

ISAIAH 10:16

M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

SAM 106:15

Cun ah kyasei ani naw ami ng’zoih cu pe gui ci, cun ung phi geinvai ne gaw pai nak cu tüih gui ci.

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

SAM 67:7

Khanpughi naw hriham na pe gui ci nei, kho nü ung chang van naw ngak sä.

SAM 58:10

Cheishoh ci gui ami m’kyuk gui ami hmuh ung düng ciah chang gui cu yei khai gui nei; Ngami naw changshe gui ah si awn ng’si khai gui nei.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

TAIGÜTHUM 26:39

Nangmi ungka nami ga gui ah khaw ung api pawih ba ci gui cu akholä ah kyak khai, cun cu nami mät ah katnak la nami pupu gui ah katnak ah phäh ah kyak khai.

SAM 65:8

M’dek khan ung om ciah chang gui naw küikyang ciah nabi phäh ah cäi ci gui nei. Nang ah na bilawh naw yeikyai nak cu, m’dek vang ungka naw vang ah khüt khai ah law püi ci.

SAM 119:158

Kä bekhüt ci gui cu ka teng ung, ka m’lung cu m’neh awn be ci, a i kyasei ci ung ngami naw na thumkhän cu kä k’pang ci gui.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”