ISAIAH 24:14 - Cho Bible Common Language 2016

¹⁴ K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.

ISAIAH 24:14 Referans Kwoze

ZEKHARIAH 2:10

Bawipa naw, “Jerusalem chang gui aw, yei ne ng’äi m’cu vä! Kei cu nami ng’lung ah ka om khai ah ka lawk ci ne!” cik ci.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ISAIAH 54:1

Jerusalem, nang cu a hta kä om ciah hnumi ah mäih ah na kya te ci, cun ung phi tuhbäi ng’äi m’cu ne, yei ne na m’lau hning ci. Tuhbäi nang cu, a cei naw kä a hteh tak phung ah hnumi ah ta da pi ciah htanau na gah khai nei!

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

ISAIAH 40:9

Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

ISAIAH 27:2

Cun ah hnüüp ung Bawipa naw a zeinak ah sapyit dnum ah mahng thu pyen khai,

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

ISAIAH 60:5

Nang naw cun cu hmu neta, na yeikyai khai nei; Nang cu cäicat ne na ng’thüng khai nei. Chang pakhui gui ah khawh cham cu nang ah law püi khai gui nei; Ami bühmang nak cu tuinu kan law ne, gawk lawk khai nei.

JEREMIAH 51:10

Bawipa naw pyen ci, “Ka chang gui m’lau ci gui, ‘Mikmi ming’düng ciah Bawipa naw m’dang ci nei, Mikmi mi hteit ne Bawipa mi khanpughi naw abi cu Jerusalem chang gui am mi m’thein gui khai nei.”