ISAIAH 24:10 - Cho Bible Common Language 2016

¹⁰ Mang gaw kyong ah apäng avan cu piäi piah yawp ci, chang gui naw ami phiawn vai ah ami avan avai shah kyai ne ng’sheng ci gui.

ISAIAH 24:10 Referans Kwoze

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

MIKHAH 2:13

Bawipa naw lam pyan pe gui ne, omktu khaw ah ka lam shüm ba gui khai. Ngami naw mang m’kawt cu gäi ne hmawng ne, lut lawk khai gui. Ami ghangpughang Bawipa amät naw lam shüm gui khai.

JEREMIAH 52:7

Mang pang gui cu ng’gäi yawp ci. Babilonian gui naw mang gaw cu veing ne khaai pang u sei phi, khomü ah gakap gui ami van cu luat yawp ci gui. Ngami cu mang ah dum täng, pang goi ah ani ng’lak m’kawt ung hteit u ne, Jordan khongnawi täng ah dawng ci gui.

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

JEREMIAH 39:4

Ghangpughang Zedekiah la agakap gui aran naw cun gui cu hmu u neta mang gaw ungka phyawng khai gi ah khomii ung k’tha nak ci gui. Ngami cu mang ah dun täng ung hteit u ne, m’kawt lam k’pang gui ah angcä ung hteitne phyawng ne Jordan khongnawi täng ah phyawng ne hteit cu gui.

ISAIAH 34:11

Pängpät gui la kap gui naw khaw avan cu om nak khai gui. Bawipa naw shin cu a i kä a tüisho pha ung kaah mäih ah khohäu ah kyak sak khai.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

ISAIAH 24:12

Mang gaw cu di ci nei, am kawt gui cu ng’gäi pyi ci nei.

ISAIAH 23:1

Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

ATÜNNAK 11:9

Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.

ISAIAH 32:19

(Cun ung phi k’pyama ah gäi nu gui ng’kia lawk khai, mang gaw cu ng’gäi khai.)

ISAIAH 26:5

Chang ah ng’shei ci gui cu ani naw yuk neim sak gui ne; khäng ciah mang gaw, ngami ah om nak cu m’di ne, acun ah vongpang gui cu m’vut khui ung yuk chah ci.