ISAIAH 24:1 - Cho Bible Common Language 2016

¹ Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 24:1 Referans Kwoze

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

ISAIAH 2:19

Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

ISAIAH 42:15

Kei naw khogui khomhtung gui cu ka m’di khai, m’ghaw la sing ghing gui cu ka chawng sak khai. Kei naw tui ah lon nak ah khong’nawi gui cu kho ng’gau ah ka lat khai. Tui shawk gui cu ka kawi sak khai.

ISAIAH 24:20

Khomdek amät cu awktat ciah chang ah mäih ah kyu shüi shüi khai, puikho khi ung phung hta ah mäih ah ng’khän shüi shüi khai. Khomdek cu a katnak naw geih khüp ci, cun cu yung kyak khai, a i sang ung phi kä tho law ba khai.

EZEKIEL 35:14

Uktu Bawipa naw pyen ci, “Kei naw nang cu ka ning shiu sak khai, nang ah yung kyak ah phäh ah khomdek khan avan cu yeikyai khai gui,

EZEKIEL 12:20

Tuhbäi Chang gui naw be ne ami om nak ah mang gaw gui cu di khai gui, khopäng cu ng’kiang de ah kyak khai. Cun ung ngami naw kei cu Bawipa ah nah mat khai gui.”

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

EZEKIEL 6:6

Israel mang gaw gui avan cu m’di khai gui, cun ah kyasei ami mangkiang gui la a gup gui avan cu akhui ah ng’piäh khai, ami angui-sonkiang gui cu geep yawp ne, ngami naw ami pyan gui phung cu kä om ba khai.

EZEKIEL 5:14

Nami vein gung om ciah pakhui gui ning sun gui ciah chang nü naw ami m’nei k’päi nei ning lek gui khai nei.

EZEKIEL 5:2

Mang gaw ami khaai ang pyi nak ung k’pai ät cu mang gaw kyong ah na m’khih vai. K’pai ät cu mang gaw k’pung ah khüt sei na khim sem awn at pit pit ne na ci vai. K’pawih ba ciah k’pai ät cu khokhi ung na m’shon vai kei naw ka khimsem awn k’täm ne ka tuk khai.

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”

ISAIAH 33:9

Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

ISAIAH 29:16

Ngami naw apängnü u lulelat ci gui. Am shep ci la amdek, a i ang a küikyang tu ba? Chang ah a pyan naw, pyang ciah chaug am, “Nang acun naw ani am, “A i na bi cu nang naw kä na hmat ci nei” ci na hning khai aw?”

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

NEHEMIAH 1:8

Moses a pyen nak cu tuhbäi shüm ba vä, ‘Nangmi Israel chang gui kei ung kä nami bekhüt ah a kyak ung changpakhui hei gui ah ng’lung ah ka ning püipyang sak gui khai.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

EZEKIEL 24:11

Tuhbäi kyei k’am aghawng cu mei k’cak ung kyäng vä, sen ne ng’ling sä! Cun kawn ah hnai cu mei naw ui yawp sei, k’am cu theingthap ba khai.

JEREMIAH 40:15

Cun kawn ah Johan naw adüm ah ani am a pyen nak cu, ‘Kei naw adüm ah hteit ne Ishmaela cu ka ngawn khai, a u naw a ngawn ah kä ng’hmat khai nei. A i ah kyasei nang ning ngawn khai ah ani ami bi sak ang? A cun naw Jew chang gui avan ning k’buui ne om ci gui cu püi pyang sak gui khai nei, awn naw Judah ung ami nawng shüt ah chang avan ah khan ah phi lei gai gui law püi khai nei.”

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 24:19

M’dek cu teek ne, ng’phiäk ne, ng’bou neaang khai.

ISAIAH 30:32

Bawipa naw ngami cu leng ba ba ne a thah gui yah ung, ani ah achang gui cu tingtäng htikbei tum ne akhin pyi sak khai gui. Khanpughi amät naw Assirian gui cu ng’tuk püi gui khai.

ISAIAH 34:2

Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.

ISAIAH 34:10

Cun cu amü a hnüüp ui sei, meikhu cu angtäi ah tho khai. Ang shon päng päng ung shin ah khaw ca aka law pi ah kyak khai. A u chang phi shin sun ne kä hteit ba khai.

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

ISAIAH 29:2

Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.

ISAIAH 32:12

Thüi kyap ne nami kyang k’beei vä, a i ah kyasei ci ung ang lei nik ciah nami lo gui la nami sapyit dum gui cu di pyi ci nei,

EZEKIEL 6:14

Kei naw ka kut shäng ne ami khopäng ka m’di khai. Kei naw ai phi kä k’pawih na ne, a htumtäng khong gau ungka naw a siiptäng Riblah mang gaw ung khüt sei shet sak ne, Israel gui ah om nak ah hmun phung kä ka k’pawih nak khai. Cung kawn ah chang nü naw kei cu Bawipa ah na hmat khai.”

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.

EZEKIEL 7:14

Phyung heng tum ci gui, chang nü cu ng’tuk ge vai ah om ci, cun ung phi ng’tuk nak ah kä hteit ci, ai ah kyasei ci ung khanpughi ah m’lungshe nak cu chang nü ah khan ah atäng tang ah kya lawk khai.