ISAIAH 23:4 - Cho Bible Common Language 2016

⁴ Sidon mang gaw, nang cu na thangshe pyi ci nei! Tuinu la däm ciah tuinu naw nang cu ning nawng neta, a pyen cu, “Kei ung a i yah ung phi hta hmaw gui kä om man ci. Kei a i yah ung phi htapami htahnumi ah kä ka hta man ci.”

ISAIAH 23:4 Referans Kwoze

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

ATÜNNAK 10:15

Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

JEREMIAH 27:3

Edom ni, Moab ni, Ammon ni, Tire ni, Sidon ni gui ah ami ghangpughang gui am ng’thu ka m’khäh gui vai ah Bawipa naw na m’thein ci, ngami naw ami ng’shä gui naw Jerusalem ah Ghangpughang Zedekiah cu hmuk khai gui.

EZEKIEL 28:21

Kei, uktu Bawipa naw ngami ah mawng ka pyen cu a cu ah chang gui am m’thein gui ä: kei cu nang ah na ga nei, Sidon: nang mi ah khan ah kei naw ka bi ah phäh ah chang gui naw kei cu na m’hlüngtai khai gui nei. Kei naw nangmi ung om ciah chang gui m’kyuk gui ne, kei a i hlawk ah ka theingcim cu ka m’dang law ung, ngami naw kei cu Bawipa ah na hmat khai gui nei.