ISAIAH 23:18 - Cho Bible Common Language 2016

¹⁸ Sumlei ne a gah ah ngui cu Bawipa am ap vai nei. Ani naw kä m’küm khai nei, cun ung phi ani ah ngui cu Bawipa khawihnah ciah chang gui naw, ami ng’yak hlü ah eiawk la sui sak vai hleih nak khai gui nei.

ISAIAH 23:18 Referans Kwoze

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

PHYAWN NAK 28:36

“Ghui bäng awn cüiche nak pyang neta, ak khan ung vüt neta, “Bawipa am pek nei” cine guk vai.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

MAKUH 3:8

Cun ah chang gui cu Kalile ah kaa gui ni, Judea ah kaa gui ni, Jerusalem ah kaa gui ni, Idumea ah kaa gui ni, Jordan tuinu ah van ga täng ah ka gui ni, Tire la Sidon ah a pei yung ah kaa gui ni ah kyak ci. Cun ah chang gui cu Bawipa Jesuh ah bilawh gui ng’ya tu u netah cun ah gawk lawk ci gui ah kyak ci.

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

NG'THU K'THUUK~ 13:22

Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.

SAM 45:12

Tire chang gui naw pektak vai law püi khai gui, ng’bühmang ci gui naw na yei nak gui vai ah tha law nak khai gui.

SAM 72:11

Ghangpughang avan ama ah kawp khai gui; changpakhui avan naw a khut bik khai.

EZEKIEL 26:12

Nami ga gui naw nami khawh gui, nami khawhcham gui cu lak khai gui. Ngami naw nami paang gui cu buh tawn u ne, nami im kyom gui cu gäi khai gui. Ngami naw lung gui, sing k’peen gui la im ami phyet gui avan cu la ne tuinu ung shum khai gui.

ZEKHARIAH 14:14

Judah chang gui naw Jerusalem cu shungvong ne ng’tuk bik khai gui. Ngami naw pakhui avan ah khawh cu gut tep khai gui — ghui, ngui la suisak gui cu ng’plum ne ng’phluk khai.

MATTHE 25:16

Cun kawn ah ani cu akho hei ah hteit ci. Ghui pit hma-kip gah ciah chang cu acun vai-am sumlei ne, ghui pit hma-kip ah khan ah pit hma-kip ak pawih khai ah gah ci.