ISAIAH 23:17 - Cho Bible Common Language 2016

¹⁷ Khokum chih-kip ang pyi kawn ah, Bawipa naw Tire gawnu cu a cau sumlei nak man ung hteh ba sak khai. Khomdek khan ung uktu kho gui avan am, amät naw amät cu khah gui khai.

ISAIAH 23:17 Referans Kwoze

NAHUM 3:4

Pawmyau ciah Nineveh naw m’kyuk nak gah ci. Ani cu chang hleeip thei ne, Sih nak awn be ci. Chang pakhui gui pluhplang gui ne, Kleihtein ah piang gui ci.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

1 TIMOTHI 3:8

Krithabum ung bik’bi gui cun phi, ami om ih ni ne, ami m’lung ngaih ng’ciim ciah kyak khai. Ngah mi cu kä khleei ne, kä ei awk tat ne, ngui kä ng’ya hlü aih ciah kyak khai gui.

1 TIMOTHI 3:3

Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

LAMKTU 15:14

Khanpughi naw ak htük bäih ah changpakhui hei gui ungka am shah gui cu ak chang ah ghü gui ne am gein gui ah mawng cu Simon naw pyein pyi ci.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

MIKHAH 1:7

Amiktung nak ah agup avan khuui khai ah sheiuh yawp vai, m’gu plet ne ami pum im ah ami pektak phung mei awn m’khih vai. Agup gui avan cu a u naw kä a hmuh hlü vai ah kyak khai. Samaria naw shin gui cu am guk plet awn a gah ah kyak ci, tuhbäi a ga gui naw hteh püi ne a khawhei ah m’guk plet pum im ung m’hluh ci gui.”

EZEKIEL 22:13

“Kei naw nami guttep nak la chang nami ngawn ah khan ah ka kut m’hnüm ka law püi khai.

EZEKIEL 16:31

Nang naw lam ah khan päng ung a gup khawihnah nak ah hnun cu na co ci, pletbanng nak cu na bik ci. Cun ung phi ahei pletbeng gui ah mäih ah ngui kä na lak ci.

EZEKIEL 16:26

Nang naw htukhtik ciah a pei ng’leng ah ka gui, Egypt gui cu khü gui ne, atäng ah mi ip khai, cine na paumza nak cu mang ne kei cu na na m’lungshe sak ci.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

THULÄÄN NAK 23:18

A cun ah mäih ah, cun ah mäih bi ne gah ah ngui cu, shaitak ah kümbe nak vai ah Bawipa nami Khanpughi ah im ung kä nami law püi vai. Bawipa naw Taigüim ung thuiplet nak cu thüi nak ci.

ISAIAH 23:15

Ghangpughang tumat ah ghin nak ah ng’lät, khokum chih-kipung Tire m’hnih nak vai ah akhin cu gawk lawk I nei. Cun ah khokum gui ang pyi law ah a kyak ung. Tire cu ng’äi ung om ciah chang pawn zau ah mäih ah kyak khai:

ISAIAH 23:16

Na tingtäng la ä, gawnu veing ne hteit ä, Ning m’hnih u sei, na geinvai ci nei! Tum ne na ng’äi gui m’cu ba mä ä chang pami gui law ba püi mä ä.

EZEKIEL 16:25

Nang naw na kyom nak cu na ng’nai sak ci. Nang naw lawk ciah chang päng am na paumza na na ap ci, nang cu a hnüüp tä sei na pcumza law piktäi ci.

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.