ISAIAH 23:13 - Cho Bible Common Language 2016

¹³ (Tire gawnu khisa gui naw ami lum nak vaiah ci kci cu Assirian gui ah kä kyak ci, Babilonian gui nei. Khoainaktänghän co u ne, Tire mang gaw pang gui phye ne, mang gaw m’di ne hteh tak ci gui cu Babilonian gui nei.)

ISAIAH 23:13 Referans Kwoze

LAMKTU 7:4

Cun ah kiah sei Abraham cu Chaldean khaw ah ka, Haran kho ah hteit ne om tuk ci. Apa asih kawn ah tuk bäi nami om nak ah khaw ah Khanpughi naw tüi ne om sak ci.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

EZEKIEL 29:18

Ani naw pyen ci, “Hnicim chang, Babilonia ghangpughang Nebukhadnezzar naw Taia cu tu pyi ci. Ani naw a gakap gui am cun ah gihgo ci a phuih sak gui ah kya ne, ami lu k’dee ne, ami phleing gui ng’gaai ci, cun ung phi ghangpughang la a gakap gui naw ami khüikha nak avan ungka a i phi kä gah ci gui.

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

ISAIAH 10:7

Cun ung phi Assirian ghangpughang ung ak ghat ah bi vai ah am lung kyong ung a pawng püi om tu hnga ci. Ani naw chang pakhui akda m’di vai ah k’bäi pyi ci.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

SAM 72:9

Bung ah om ciah chang gui cu ama ah kawp lawk khai gui, a gaa gui cu m’dek ung ng’dap khai gui.

JOB 1:17

Ani naw ang thu pyen k ä a phleh pha ung ahei changshäm naw law ne, “Chaldean bum thum gui naw kei mi ah law ne, na tu law gui ne, kalauk gui avan hteh püi ci gui, Changshäm gui avan ngawn ci gui, kei bäng ka pawih ci, Nang am ng’thu ning m’thein lawk khai ah kei bäng ka pawih ci nei.

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

2 GHANGPUGHANG GUI 20:12

A cun ah a khin ung Babilonia ghangpughang Baladan ah hta Merodach Baladan naw ghangpughang Hezekiah a gaw cu ng’ya neta ca la m’cümhnah nak m’khäh lawk ci.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

ATÜNNAK 11:31

Terah naw a hta Abram ni, Haran ah hta atu Lota ni, A hta Abram ah chu Sarai ni cu hteh püi gui ci. Ngami cu Babilonia khaw, Ura gawnu nawng shüt u ne, Kanaan khaw ah hteit ci gui. Ngami cu Haran ah gawk ne aca om ci gui.

ATÜNNAK 11:28

Haran cu a mät ah ng’tüi nak Babilonia khaw, Urah gawnu ung sik ci. Cun sang ung apa ghing ci.

ATÜNNAK 11:9

Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.

ATÜNNAK 2:14

Ak thum nak ah tuilawng cu Tikris ming nak ci; Assiria khaw hni law lam ung yu long ci. Ak phli nak ah tuilawng cu Euphratis ah kyak ci.

ISAIAH 13:21

Cun cu k’pyama sa gui ah on nak ah hmun, pängpät gui ah ng’bu tuk nak ah kyak khai. A cun ung nga m’zawk gui om khai gui, k’pyame gui cu ng’phyek ciah im gui ah ng’lung ah ng; hlük khai gui.

ISAIAH 18:6

Ami gakap gui ah ami geok gui cu kha gui la khisa gui ah ma ah m’auh ne nawng khai gui. Khaw cha ah kha gui naw, khawsik ah khisa gui naw, cun ah ami gook gui cu ei khai gui.”

ISAIAH 43:14

Israel gui ah theingcim ciah Khanpughi, ning hun gui ciah Bawipa naw pyen ci, “Ning hun gui khai ah, Babilon hnung’tuk püi ciah gakap cu kei naw ka tüi lawk khai; mang gaw m’kawt gui cu kei naw ka phyek khai, chang gui ah m’lau cu kyah ah ng’lat khai nei.

EZEKIEL 23:23

Kei naw Babilonian gui la Chaldean gui ami van, Pekod, Shoa, la koa ah Chang gui la Assirian gui ami van ka law püi gui khai. Kei naw cun ah Chang nong mang gui la bawi gui avan, küikyang ciah bawi gui la hlüng ciah ng’secum gakap bawi gui avan cu ka k’bum gui khai.