ISAIAH 23:12 - Cho Bible Common Language 2016

¹² Sidon mang gaw, nang ah yeikyai nak cu ng’pyi pyi ci nei, na chang gui cu skedam na gui ci gui nei. Ngami cu curt ne caiprus ah nami hteh ung phi, phiawn nak kä om khai nei.

ISAIAH 23:12 Referans Kwoze

THU PHLAAN 18:22

Nang ungka tingtäu tum k’aw, phiphät phyungheng k’aw gui phi kä ng’yak ba vai nei. Bi bik ci gui phi kä hmuh ba vai, lungkhiing ah ng’ghin phi kä ng’yak ba vai nei!

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

EZEKIEL 27:6

Ngami naw Bashan ah ka he-sing gui cu la ne hlaw k’plei nak ah pyang ci gui; Ngami naw nang ah ngoh phah gui cu Saiprus ah ka m’htai awn pyang u ne m’vui ha gui awn cüiche ci gui.

NG’ÄI KYAH 4:15

Chang gui m’lau u ne, “Ahei ah hteit ä, nang na lelawi ci nei, kä na tawn en ä” cik ci gui. Cun ah kyasei ngami cu akhui khaw päng ung ng’vaak shüi shüi ci gui, a u naw phi kä dou chang gui ci.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

NG’ÄI KYAH 1:3

Judah chang gui cu amgein kaa changshäm gui, im ungka ahei ah ami gawt gui ah kyak ci. Ngami cu a khohei ung om ci gui, ami mät ah hmun vai a i kä om ci Gaa gui naw ami koi gui, phiawn nak vai ah lam kä om ci.

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

ISAIAH 47:5

Bawipa naw Babilon cu pyen nak ci, “Adüm ah a hmüp nak ung ngo ä; Ngami naw pakhui gui ah ghangpughang nu ah kä ning khü ba khai gui nei?

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

ISAIAH 23:7

Shin cu can ami k’süm ah ah yeikyai nak ah mang gaw Tire ah kya hning khai aw? Shin ah mang gaw cu tuinu kan ne, koloni khaw k’süm khai ah ng’lei leh ci tüi ciah mang gaw ah kya ne ang?

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

KHEI NAK 24:24

Ng’tuk sou ci gui cu Cyprus ah ka hleikaw awn lawk khai gui nei. Ngami naw Assiria la Eber cu tu ne näng khai gui nei. Cun ung phi ngami cu ng’hlah shi ba gui ne ang tä sei m’di gui khai nei.”

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

JEREMIAH 2:10

Akhei täng saiprus kho ah hteit vä, Akiang täng Kedar kho ah chang tumat tüi vä. Ngami ah shin ah mäih a i phi kä kya ba sei nami hmak khai nei.

DANIEL 11:30

Roman chang gui naw htinpaw awn law u ne ani cu hnungtuk püi khai gui, ani cu kyi kyawk khai. “Cun kawn ah ani cu m’lung she ne ng’hlat ba neta, Khanpughi ah chang gui ah yum nak cu m’di khai ah tha nak khai. Cun ah yum nak nawng shüt ciah chang gui ah m’cumcäi phi ani naw läk khai.

ATÜNNAK 10:4

Javan ah htangshon gui cu, Elishah, Spain, Cyprus la Rodes;