ISAIAH 22:5 - Cho Bible Common Language 2016

⁵ Shin ah khin cu muimang khaw ng’nawi ung düngkyong nak, tuk hnim nak, ng’gogan nak ah kyak ci nei, cun cu uk ciah m’gäi ciah Bawipa naw mikmiah khan ah a tüih law ah kyak ci nei. Mi mang gaw ah akpang gui cu ami phyet law ah kyak ci nei. Mi mang gaw ah akpang gui cu ami phyet pyi nei m’htei htang vaiah ami kyah m’lau gui cu kyawgui gui yung shalawng ci nei.

ISAIAH 22:5 Referans Kwoze

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

NG’ÄI KYAH 1:5

Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.

ISAIAH 37:3

Shin cu Isaiah am ami pek vaiah am thein gui ah ng’thu ah kyak ci; “Tuh ngami cu yaica nak ah hnünp ah kyak ci; mikmi cu m’kyuk nak gah ne lüng’aa ne mi om ci. Mi’kmi cu hta law ge vai neta, ak tha maih ciah hnumi ah mäih ah mi kyak ci.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

MATTHE 24:16

Cun ah ami hmuh law ung Judea kho ah chang gui cu, khomhtung ah dawng u sä.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

ESTA 3:15

Ghangpughang naw thumkhän ne ak bäi cu, Susa mang gaw ung chang khli ah ma ah tai ci gui. Cun kawn ah ca tei ci gui naw khopäng gui ah tei ci gui. Susa mang gaw ung thüngphyong ne ami kyak yah ung, ghangpughang la Haman cu sapyit tui aw ne ngok ci goi.

2 GHANGPUGHANG GUI 25:10

a gakap gui naw mang gaw k’paang cu phyek ci gui.

2 GHANGPUGHANG GUI 19:3

Shin cu Isaiah am ami m’thein vai ah a pyen nak gui ah ng’thu ah kyak ci: “Tuhngawi cu khüikha nak ah hnüüp ah kyak ci; mikmi cu m’kyuk nak mi gah ne mi lü ng’a ci. Mikmi cu hta law ge khai ah hnumi ak tha maih sei kä hta hlawt ciah mäih ah mi kyak ci.

ISAIAH 63:3

Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.

ISAIAH 63:6

Ka m’lungshe nak awn, chang pakhui avan cu neen gui ne ka khui sak sak gui ci. Kei naw ngami ah ami hnun-si m’dek ung ka huk ci.”

EZEKIEL 7:7

Shin ah khaw ung nang mi chang gui ah phäh ah ang pyi nak cu gawk lawk ci nei. Khomhtung ah vawihpeh nak gui ung pawi kä bi ba nei, ang gogan bang nak ah akhin cu gawk lawk ci nei.

ZEPHANIAH 1:15

Cun ah hnüüp cu m’lung ah shet nak, yaica nak, cümbawng nak, di nak, maih nak, amü nak, ang yiin nak, meile ah küp nak,

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.