ISAIAH 22:4 - Cho Bible Common Language 2016

⁴ Sik ciah ka chang gui avanah phäh ah ak tung ah ka thüikyap khai ah tuhbäi ka mät bang na nawng vä. Kei na k’bäi vai ah kä nami tha nak vai nei.

ISAIAH 22:4 Referans Kwoze

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

MATTHE 2:18

“Ramah kho kyong ah thüi kyah nak ah k’aw cu thang lawk ci, Rachelah cu a hta gui ah hmawk ah viik ne kyap ci, A hta gui cu sihnak ung kä phiawn sak gui hlawt ci,” ciah kyak ci.

MIKHAH 1:8

Cun kawn ah Mikhah naw, “A cun ah hmawk ah kei cu kyap ne ka m’lau khai, ka thüi ka m’dang nak ah ka khaw m’dawng awn ka ng’vaak khai. Kei cu sa ui ah mäih ah m’ou ne kha ah mäih ah ka ng’ging khai.

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

SAM 77:2

Khüikha nak a gawk law yah ung Bawipa ah ka taigü ci; Khawmü pum kut shäng ne ka taigü ci, cun ung phi m’lung üp nak kä ka hmuk ci.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

MATTHE 26:75

Acun vai-am ai khong law khätah,’ ai kä a khon pha ung nang naw kei cu, ani kä ka hmat ci nei, cine thum-vei na na mak khai,” cine Bawipa Jesuh naw a kyak nak te cu, shüm law ba netah, ak pung ah hteit ne ang htei ah thüi ne kyap ci.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

ISAIAH 33:7

Changm’gäi gui cu m’htei gui vai ah ng’khü ci gui nei, Dimdeeih nak gah vai ah k’tha nak ciah ng’shäbawi gui cu ak kha ah kyap ci gui nei.

ISAIAH 15:3

Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

JEREMIAH 9:18

Chang gui naw pyen ci gui, kami mik ng’phli tui awn be ne, Kami mik vun kyah ah ng’phli tui awn ang shüih güt ang ghit ah gook kyah ng’äi vai ah m’thein gui vä.”

NG’ÄI KYAH 2:11

Ka mik cu thüikyah nak awn yai ci, ka m’lung kyong cu khüikha aih ci. Ka chang gui ami dishum ah phäh ah thüi ne kei cu ka k’tha maih ci nei. A hmaw hta gui la nau sen hta gui cu mang gaw lam gui ung ami tha käi ne om ci gui.

EZEKIEL 27:31

Ngami cu nang ah phäh ah ami lu k’teiu ci gui, sui kheei sui ci gui, Ngami ah m’lung cu kha ne kyap ci.

ESTA 4:1

Mordekai naw cun gui avan hmat law neta, a sui gui k’teek ne cäi ng’ä ci. Cun kawn ah suishe sui ne a lu m’vut awn bu ne, kyap ne m’lau ne mang gaw kyong ah hteit shüi shüi ne,

EZEKIEL 21:11

Khimsem cu m’tui pyi nei, mang ge vai ah m’hnüt pyi nei. Cun cu k’tah pyi ne, m’tui pyi neta ngawn sheh ci gui ah kut ung tha vai nei.