ISAIAH 22:25 - Cho Bible Common Language 2016

²⁵ Cun ah a kyak law ung, htek ciah sing hmui cu längbang law ne kiuk khai. Cun cu a cun ung bah gui nü ah ang pyi nak ah kyak khai.” Ci ne Bawipa naw pyen ci.

ISAIAH 22:25 Referans Kwoze

ISAIAH 46:11

Kei naw akiang täng ung ka lawk khai ah chang tumat ka khü ci; Ani naw hmu kiung ah mäih ah m’tawn ne ng’phäi law ne, kei naw ka pawng püi phung bilo khai nei. Kei naw ng’thu ka pyen ci, ka pyen ah mäih ah bik khai nei.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ISAIAH 22:23

Kei naw ani cu sing hmui ah mäih ah ka khan sak khai, ani cu akyong chang avan ung m’tamkhah nak ah aphung ah kyak khai.

SAM 146:3

Hnicim chang bawi cu kä nami ngaih u vai; hnicim chang naw kä ning hun gui hlawt khai.

EZEKIEL 5:17

Kei naw ei cawi nak la name htanau ngawn khai ah khisa k’zäng gui cu ka tüi lawk khai, cun kawn ah gawpyan nak, cawi m’sa nak la ning ngawn gui khai ah ng’tuk nak cu ka tüi lawk khai. Kei, Bawipa naw ka pyen nei.”

EZEKIEL 5:15

“Kei naw m’lungshe nei, m’lung sou sei, ka ning m’kyuk gui ung, name vein gung changpakhui gui ami van cu kyik khai gui nei. Ngami naw shemshai ne ning teng u ne, ning zü isha khai gui.

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

ISAIAH 48:15

Ani ng’thu püi ne khü cicu kei ah ka kyak ci; kei naw ani cu lamshüm ne näng nak ka pek ci.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

ISAIAH 22:24

“Cun ung phi ani mätyah gui la ziihnei ci gui ami van cu ani ah phäh ah phuihgih ah kyak khai. Sing hum ui ung bah ah khawk la k’am gui ah mäih ah ngami naw ani cu ng’bah nak khai gui!