ISAIAH 22:23 - Cho Bible Common Language 2016

²³ Kei naw ani cu sing hmui ah mäih ah ka khan sak khai, ani cu akyong chang avan ung m’tamkhah nak ah aphung ah kyak khai.

ISAIAH 22:23 Referans Kwoze

JOB 36:7

Ng’düng ciah chang gui cu ani naw shungvong gui ci. Ani naw ghangpughang ah mäih ah uk sak gui ne angtäi sei m’tam khah gui ci.

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

THUSHÄUTU 12:11

Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.

ESTA 10:3

Jew chang Mordekai cu Ghangpughang Ahasuerus tawi ciah ang vaipi ah kyak ci. Ani cu a Jew chang paw gui naw ang htei ah m’hni u ne, ami m’tamkhah ah kyak ci. Ani naw a chang gui ah ami ni nak vai la ami htangshon gui ami van ah ngaih gep nakl vai ah k’tha na ne bik ci.

ESTA 4:14

Shin ah mäih a khin ung nang a düm ah na om ah a kyak ung, Jew chang gui ah hmawk ah khankho ah kaa m’hteihtang nak cu gawk lawk khai nei. Cun ung ngami cu hun nak gah khai gui. Cun ung phi nang cu na sik khai, na pa ah kyongchang cu ng’pyi khai. Cun ung phi nang ghangpughangnu ah na kyak law cu shin ah mäih a khin ah phäh ah kä kya ne ang!”

ISAIAH 22:24

“Cun ung phi ani mätyah gui la ziihnei ci gui ami van cu ani ah phäh ah phuihgih ah kyak khai. Sing hum ui ung bah ah khawk la k’am gui ah mäih ah ngami naw ani cu ng’bah nak khai gui!

ISAIAH 22:25

Cun ah a kyak law ung, htek ciah sing hmui cu längbang law ne kiuk khai. Cun cu a cun ung bah gui nü ah ang pyi nak ah kyak khai.” Ci ne Bawipa naw pyen ci.