ISAIAH 22:2 - Cho Bible Common Language 2016

² Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

ISAIAH 22:2 Referans Kwoze

ISAIAH 32:13

ng’hling-cam gui la ng’hling gui cu ka chang gui ah khaw ung tho pyi ci nei. Chang gui naw ami yeikyai nak ah cin gui avan la ami ng’häh leh nak ah mang gaw ah phäh ah thüi kyap vä.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

ISAIAH 23:7

Shin cu can ami k’süm ah ah yeikyai nak ah mang gaw Tire ah kya hning khai aw? Shin ah mang gaw cu tuinu kan ne, koloni khaw k’süm khai ah ng’lei leh ci tüi ciah mang gaw ah kya ne ang?

JEREMIAH 52:6

Acu kum a cha phli nak ah a hnüp kaw hnüüp ung a mi cawi gha nak nui law aih sei chang gui ami ei vai kä om ba ci,

JEREMIAH 38:2

Kei naw ka m’then gui ah Bawipa naw a pyen ah ng’thu cu,” mang gawpyam nak ung sik khai. Cun ung phi akpung ah hteit ne Babilonian gui ah ma ah a kut chah ci phung cu kä ngawn khai gui; ngami cu ani hnun ghin nak läi cu phyawng khai gui”

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 37:33

“Shin cu Assirian ghangpughang ah mawng Bawipa naw ng’thu a pyen ah kyak ci: ‘Ani cu shin ah mang gaw ung kä lut lawk khai, m’la thek ät phi kä kap hlawt khai. A i gakap phi shawi kawt ne mang gaw peiah kä lawk khai, gaw khai nak vai ah a i m’vang phi a u naw kä co khai.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

EZEKIEL 22:5

Ng’thukhänkaa ah nami kyak ah phäh ah ang et ah khopäng gui la ak sho nak ah khopäng gui naw ning päipih gui ci gui.

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.