ISAIAH 22:1 - Cho Bible Common Language 2016

¹ Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

ISAIAH 22:1 Referans Kwoze

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

SAM 125:2

Kho guui gui naw Jerusalem cu ami kyung ah mäih ah, Bawipa naw a chang gui cu tuhbäi ung tün ne, kho ng’län ung kiung gui ci.

JOEL 3:14

Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

JOEL 3:12

“Pakhui gui cu pawng ge u ne, m’khoicha nak ah khaw nawi ah lawk khai gui nei. A cu ah kei Bawipa cu ngo ne, peileng ah pakhui avan ka m’khoichak khai nei.

ISAIAH 15:3

Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

MIKHAH 3:6

“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”

JEREMIAH 48:38

Moab gui avan ah im m’kiung khan la chang gui ah ng’bum nak päng ung ahei a i kä om ci, thüikyah nak bäng om ci, a i ah kyasei ci ung kei naw Moab cu a u naw kä a ng’yak hlü ah ka m’shet pyi ci nei.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

NG'THU K'THUUK~ 29:18

Khanpughi ah lam shüm nak kä om ciah khochang cu kä ng’käkhtäng ciah khochang ah kyak ci. Khanpughi ah thukhän k’pang ciah chang cu yeikyai nak om ci.

SAM 114:5

Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

2 GHANGPUGHANG GUI 6:28

Nang ah na yai nak cu a i ang? Ani naw, “Yanta shin ah hnumi naw, kei ah hta cu ei neta ani ah hta mä a ngawi ung ei vai ah pyen ci.

2 SAMUEL 14:5

Ani naw hnumi am, “A i ang na ng’ya hlü?” cine ng’shik ci. Ani naw, “Kei cu dukhaih ciah hmei nu nei, bawi aw, ka cei sih pyi ci nei.

1 SAMUEL 11:5

Saul cu atuhbäi hta, a seipat awn a lai ah ka law neta, ang shi gui cu, “A i ang a hma, a i ah kyasei chang päng a kyah ang?” cik ci. Ngami naw Jebesh ah ka chang ami tüih law gui ah ng’thu pyen cu m’thein ci gui.

1 SAMUEL 3:1

Cun yah ung ak hmaw Samuel cu Eli ah ka ung om ne Bawipa ah bi bik ci, a cu ah Bawipa ung ka lawk ciah ng’thu ken ci, ani ung ka lawk ciah muimang phi apihta ah kyak ci.

SUKI GUI 18:23

m’lau gui ci gui. Dan chang gui cu ng’hlat law u neta, Mikah cu ng’shik ci gui “A i ah ang a kiak” A i ah kyasei shin ah chang akhli ang?”

THULÄÄN NAK 22:8

“Im thai na cawh ah a kyak ung khan khuih nak ak pei avan ung ng’hteicha khai ah shung ne na pyan vai. Cun ung chang ng’kya ne a sih ung phi nang ah om ah kä kyak khai.

ATÜNNAK 21:17

Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

MATTHE 10:27

Hmüp khui ung ka ning m’thein gui ah ng’thu cu khodei ung nami pyein ba vai. Adüm ah nami ng’yak ah ng’thu cu m’kiung khan ah kai ne nami shäü vai.

ISAIAH 22:5

Shin ah khin cu muimang khaw ng’nawi ung düngkyong nak, tuk hnim nak, ng’gogan nak ah kyak ci nei, cun cu uk ciah m’gäi ciah Bawipa naw mikmiah khan ah a tüih law ah kyak ci nei. Mi mang gaw ah akpang gui cu ami phyet law ah kyak ci nei. Mi mang gaw ah akpang gui cu ami phyet pyi nei m’htei htang vaiah ami kyah m’lau gui cu kyawgui gui yung shalawng ci nei.

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.