ISAIAH 21:8 - Cho Bible Common Language 2016

⁸ Ngäng ci naw ng’khü ne, “Bawi aw, amü a hnüüp ng’düi ne ka ngäng ci nei,” a ci sang u ng.

ISAIAH 21:8 Referans Kwoze

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

JEREMIAH 50:44

“Jordan lawng yung sing shah ciah bung ka khu m’kim khaw ungka phong kawng a luh law ah mäih ah, kei, Bawipa cu law ne, Babilonian gui ami mang gaw ungka ang ghit ah dawng khai gui ah ka cik khai. Cun kawn ah kei naw ka ghü ah ang vain aw khui khaw cu uk khai. Kei awn m’täng hning vai a u om khai ang? Kei na ng’küknet püi khai a u om khai ang. A i uktu naw kei na hnu na hning khai ang?

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

JEREMIAH 25:38

Phongkawng naw akhui anawng ah mäih ah Bawipa naw a chang gui cu nawng gui ci nei. Kyi kyawk vai kyak ciah ng’tuk nak la Bawipa ah kyih vai ah amlungshe nak naw khopäng khaw cu khong gau ah kyak sak ci nei.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

SAM 63:6

Ih phak ung ka ng’zän ung phi ka ning shüm ci; am than pum ka ning ngaih-tüh ci,

2 SHONTÄP NAK 20:24

Judean gakap gui cu bungpuk ah tänghän pei ah gawk law u neta, ami ga gui teng u khäta, ami van si ne m’dek ung ng’yän ci gui, a u phi phyawng ci kä om sei, hmuk ci gui.