ISAIAH 21:5 - Cho Bible Common Language 2016

⁵ Ka muimang ung müei cu ami pyan pyi ah kyak ci; khin gui ami ngoh nak vai ah phla-phak gui cu phah pyi ah kyak ci. Ngami cu ei awk ci gui. Ang ghit ah thukbäi gaw lawk ci, “Bawi gui aw! Nami shawi gui m’shei ge vä!”

ISAIAH 21:5 Referans Kwoze

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

1 KORIN 15:32

Kei cu hnicim chang ah ng’yak hlü düt yum ne Ephesus gawnu ah “kawng khawm” gui awn kami ng’toh vai sü ung, kei naw a i ka cik khai sü ang? Sik ci gui tho ne ghing ba khai gui ah kä ah kyak ung läi “Ngawi ung mi si lawk khai kya sei, ei ne aw ne mi om düt kaw.”

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

JEREMIAH 46:3

“Egypt bawi gui m’lau ci gui, Nami shawi gui m’hnüt ge vä ng’tuk nak ah law ge vä!