ISAIAH 21:2 - Cho Bible Common Language 2016

² M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ISAIAH 21:2 Referans Kwoze

JEREMIAH 49:34

Judah ung Zedekiah ghangpughang ah a kyak thai kawn ah Elam khopäng ah mawng m’äi ciah Bawipa naw na pyen nak ci.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 24:16

Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

SAM 60:3

Nang naw na chang gui cu akni ah khüikha sak gui ci nei, keimi cu awktat ne kami ng’phiui ci nei.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

NG’ÄI KYAH 1:22

“Ami cheishoh nak avan ah phäh ah m’kat gui ä; Kei ah katnak gui na na m’kyuk ah mäih ah m’kyuk gui ä. Kei akyong ah ka ng’hlaw ei aih ci nei, kei ka m’lung kyong ah ka gaw ci nei.”

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”

JEREMIAH 50:14

“Likap gui, Babilon la a pei yung hnungtuk vai ah pawng ge vä. Nami m’la avan awn Babilon cu kap vä, a i ah kyasei ci ung ani naw kei, Bawipa cu katnak bi ne na hnungtuk püi ci nei.

JEREMIAH 45:3

nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

JEREMIAH 31:25

Cümbawng ci gui cu kei naw hüizang sak gui ne, ei ah cawi ne aktha ken ci phung cu phü khai ah ka m’bei gui khai.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

ISAIAH 22:6

Elam khaw ung gakap gui cu ng’se ng’cum u ne, li m’la kawt ne lawk ci gui nei. Kira khaw ung gakap gui cu ami shawi kawt ge ne om ci gui nie.

NG'THU K'THUUK~ 13:15

Lunglang ci naw chang m’sui nak gah ci, Cun ung phi kä ng’ap hning ci gui cu lam she ung hteit ci gui.

SAM 79:11

Thawng ung kium ci gui ah ng’hlaw ng’ei cu ngaih pe gui ä, sih nak ami pek gui cu hlüngtai ciah na huham awn k’phiawn gui ä.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

1 SAMUEL 24:13

Nang naw thu phyim na hmat ci, “Akshe cu changshe bäng naw bik ci! Cun ah kyasei kei naw kä ka ning bik khai.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

SAM 119:158

Kä bekhüt ci gui cu ka teng ung, ka m’lung cu m’neh awn be ci, a i kyasei ci ung ngami naw na thumkhän cu kä k’pang ci gui.

DANIEL 5:9

Ghangpughang Belshazzar cu cäi aih ne a hmai m’kyum ne ng’haam ci, a bawi ng’vai gui phi a i ami bi vai kä hmat cii gui.

ATÜNNAK 10:22

Shem ah hta gui cu Elam, Asshur, Aphakshad, Lud la Aram ah kyak ci. Ngami cu ming mah ne ng’shon ci gui ah kyak ci.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 14:4

Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

ISAIAH 14:7

Tuhbäi ak huu ah khondek khan avan cu yeikyai düm ne dimdeeih ci nei, chang päing naw yeikyai ne ng’äi m’cu ci nei

JEREMIAH 49:35

Ani naw, “Elam Huham ah sak ciah likap gui avan cu kei naw ka ngawn khai.

DANIEL 8:2

Ka muimang ung kei cu ang ghit ah Elan khopäng Susa mang gaw paang ah kyong ah ka gawk ci. Cun ung kei cu Ulai tuinu pei ung ka düi ci,