ISAIAH 21:13 - Cho Bible Common Language 2016

¹³ Shin cu Arabia ah mawng thumkhäh ah kya ci. Sing ah kä ghing nak Arabia khaw ung phung tu ne sumlei ne ng’hle-zatha awn ng’düm ciah nangmi Dedan chang gui.

ISAIAH 21:13 Referans Kwoze

EZEKIEL 27:15

Rhodes chang gui cu nang awn sumlei ci gui: tuinu kem khawakda ung om ciah chang gui naw m’vui ha la singlim ning pe ne na khawh cu thawng lawk ci gui.

1 SHONTÄP NAK 1:32

Abraham ah a chu tuba cu Keturah ah kyak ci: cun goi cu Sheba la Dedan ah kyak ci.

ATÜNNAK 25:3

Jokshan ah hta goi cu, Sheba la Dedan ah kyak ci. Dedan ah htangshon gui cu Asshurim, Letushim la Leummin pakhui gui ah kyak ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

ISAIAH 13:20

A cun ung angawi ah phi a u kä om ba khai, A u Arab chang ng’vak shüi ci naw phi acun ung phung kä tuk khai, a u htoshain naw phi cun ung htome kä chah khai.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

1 SHONTÄP NAK 1:9

Kush ah hta ng’shon gui cu Seba, Havilah, Sabtah, Raamah la Sabteca chang gui ah kyak ci. Raamah ah hta ng’shon gui cu Sheba la Dedan ah kyak ci.

1 GHANGPUGHANG GUI 10:15

Cun kawn ah Sumlei chang gui ah peit ah k’phlam gui, ami sumlei nak ung taang lawk ci gui, Arabian ghangpughang gui naw ami pek law gui, Israel khopäng gui ung uktu gui ah pek law gui cu gah ci.

ATÜNNAK 10:7

Kusha ah htangshon gui cu, Seba, Havilah, Sabtah, Raamah la Sabteka ah kyak ci. Raamah ah hta goi cu Shaba la Dedan ah kyak ci.

ISAIAH 21:12

Kei naw ka m’shan cu, “Khaw thaih cu gawk law pyi ci, cun ung phi khawmü cu law bam ä khai. Na na ng’shi ba mä hlü ah a kyak ung law ba ne na ng’shi law ba ä.”

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.