ISAIAH 21:11 - Cho Bible Common Language 2016

¹¹ Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

ISAIAH 21:11 Referans Kwoze

ATÜNNAK 25:14

Mishma, Dumah, Massa,

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

JEREMIAH 37:17

Cun kawn ah Ghangpughang Zedekiah naw na la law tuneta manu im kyong ah adüm ah ana ng’shi cu, “Bawipa ah ng’thu a i baw om naw?” Kei naw, “om ci nei,” cineta ka m’khah ba cu, “Nang cu Babilonia ghangpughang am ning ap khai gui.”

ISAIAH 21:6

Cun kawn ah Bawipa naw ana pyen nak cu, “Hteit ne ngäng khai tumat na tha vai, a hmuh phung a pyen law ba vai ah na m’thein vai.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

1 SHONTÄP NAK 1:30

Mishma, Dumah, Massa, Hadad, Tema,

THULÄÄN NAK 2:5

Cun ung phi ngami ma ne kä nami ng’tuk püi gui en vai. A i ah kyasei ci ung ngami ah khaw ng’leh ät hta phi kei naw nangmi am kä ka ning pe gui khai. Kei naw Edom cu Esua ah htangshon gui am ka pe pyi ci.

KHEI NAK 24:18

Ani naw Edom ung aga gui cu näng gui khai nei. A mi khaw cu a khawh ah pyang khai nei. Cun cu Israel gui naw k’tä ne näng khai gui nei.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

SOLOMON NG’Ä~ 3:3

Mang gaw ngäng gui ng’hleh ci gui naw kei cu na hmuk ci gui. Kei naw, “Kei ah ka m’hni ah chang cu nami hmu ne ang?” cine ka ng’shi gui ci.

ISAIAH 21:12

Kei naw ka m’shan cu, “Khaw thaih cu gawk law pyi ci, cun ung phi khawmü cu law bam ä khai. Na na ng’shi ba mä hlü ah a kyak ung law ba ne na ng’shi law ba ä.”

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

ATÜNNAK 32:4

Ani naw a tüih gui ah chang gui am cäi gui cu, “Ka bawi Esau am nami m’thein vai nei. Kei, Jakob na thu ngai ciah na changshäm cu, tuhbäi ka law ba vai güt ung, Laban ah ka om tuk ci nei.

JOSHUA 15:52

Cun kawn ah Arab, Dumah, Eshan,

EZEKIEL 25:12

Uktu Bawipa naw pyen ci, “Edom chang gui naw Judah ah khan ah ghuih ah phu tuk ci gui, cun ah phu ami tuk nak cu Edom khan aknui ah katnak ami bi ah kyak ci.

EZEKIEL 33:7

“Tuhbäi hnicim chang, kei naw nang cu Israel pakhui ah gawkngäng ah ka ning pyang ci nei. Kei naw ka ning pek ah thukbäi gui cu nang naw na pek tuba gui vai.