ISAIAH 21:10 - Cho Bible Common Language 2016

¹⁰ Ka chang Israel gui aw, nangmi cu htang vui ah mäih ah ning neen gui ci gui nei, cun ung phi tuhbäi, Israel khanpughi m’gäi ciah Bawipa ung ka ng’yak ah thuni cu nangmi ung ka ng’shäu lawk ci nei.

ISAIAH 21:10 Referans Kwoze

JEREMIAH 51:33

Kä shou pha sei ga gui naw k’shawm gui ne, khlang ung htang leh ah mäih ah leh gui khai gui. Kei, m’gäi ciah Bawipa, Israel Khanpughi naw ka pyen nei.”

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

HABAKKUK 3:12

Na m’lung she nak awn khomdek cu kaan ne, na nget nak awn chang pakhui gui cu na kaai nak ci.

1 GHANGPUGHANG GUI 22:14

Cun ung phi Mikaiah naw, “Ghing ciah Bawipa ung kei naw shai ka tak cu, ani naw ana pyen sak cun vah kei naw ka pyen khai nei!” cik ci.

EZEKIEL 40:4

Ani naw na pyen nak ci, “Hnicim chang, teng ä, kei naw ka ning m’hnuh phung geing na ne ngai ne, na m’htei kheng vai nei, a i ah kyasei ci ung acun vai ah phäh ah nangmi hmuh nü nü cu Israel chang gui am nami m’thein gui vai nei.

ISAIAH 28:28

Ani naw htang cu kä düm ne neen düt ne kä m’di ci, Htang kä ng’deng khai, ng’hlee awn, a i cha neen vai cu ani naw hmat ci.

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?