ISAIAH 21:1 - Cho Bible Common Language 2016

¹ Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

ISAIAH 21:1 Referans Kwoze

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

JEREMIAH 51:42

Tuinu cu Babilon ah khan ah long ne, m’ngawk tui ng’hnawk naw küm ci nei.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

ISAIAH 17:1

Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

DANIEL 11:40

“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.

EZEKIEL 31:12

M’gein nak kä om ciah khohei chang gui naw chu pit ne nawng shüt khai gui. Acun ah ang ban gui la hnget ciah ang ban gui cu, cun ah khopäng ung khomhtung päng, khongnawi päng ung kya lawk khai gui. Chang pakhui avan cun ah hnim ka ah om ci gui cu a hei ah dawng khai gui.

EZEKIEL 30:11

Ani la m’gein nak kä om ciah a gakap gui law ne cun ah khaw avan cu m’di khai gui. Ngami naw Egypt cu khimsem awn tuk khai gui, khaw avan cu gook awn be khai.

JOB 37:9

Puikho khi cu a htumtäng ah ka lawk ci, Kho m’yu kho khing cu a siiptäng ah ka lawk ci.

ISAIAH 5:28

Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.

EZEKIEL 1:4

Kei naw hang mang neta a siiptäng ah ka puikho khi law sei ka hmuk ci. Khongmei akdäm ungka kho lai läp ne ng’shü law sei khomik cu ng’veing ne khosing thek ci. Kho laitäp ne adei nak ung kyei ah mäih lawk cicu ng’shü ci,

EZEKIEL 38:9

Ani la a gakap gui, ani awn atäng ah om ciah changpakhui gui naw puikhokhi ah mäih ah tu u ne, khaw avan cu khongmei ah mäih ah küm khai gui.”

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 14:14

Nang cu khaw ng’mei gui ah apam ah hang kai ne, m’gäi ciah kyak vai ah na pyen te ci.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

JEREMIAH 51:1

Bawipa naw pyen ci, “Kei naw Babilonia la a chang gui hnungtuk he m’di gui khai ah khokhi cu ka law püi ci.

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.