ISAIAH 20:2 - Cho Bible Common Language 2016

² Ng’pyi pyi ciah kum thum ung Bawipa naw Amoz ah hta Isaiah am, aphahnak la athüisui asuh vai ah pyen nak ci. Ani naw awn ngai ne akplui ah phahnak kä ng’cum ne hteit hton ci.

ISAIAH 20:2 Referans Kwoze

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

MIKHAH 1:8

Cun kawn ah Mikhah naw, “A cun ah hmawk ah kei cu kyap ne ka m’lau khai, ka thüi ka m’dang nak ah ka khaw m’dawng awn ka ng’vaak khai. Kei cu sa ui ah mäih ah m’ou ne kha ah mäih ah ka ng’ging khai.

1 SAMUEL 19:24

Ani naw a sui gui sut ne Samuel ah ma ah ng’lam ne m’lau ci, hnüüp pum, mü pum ung ak plui ah ng’yän ci. (Cun ah kyasei cun ung tün ciah thu thuk ci, “Saul mä prophet ah kya tu ne ma?”) ciah om lawk ci.

ZEKHARIAH 13:4

Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.

EZEKIEL 24:23

Nangmi cu nami lu kä pawng ne, phahnak kä ng’cum ne kä nami hteit khai, kä nami thüi khai, kä nami kyap khai. Nangmi cu nami katnak ah phäh ah kyung u ne, tumat ah ma ah tumat nami ng’hlo ng’ei khai.

EZEKIEL 24:17

Na hngääk cu a u naw kä ning za en sä. Thüi kyap ciah mäih ah lukä pawng ne phahnak kä ng’leh ne, kä na hteh hton vai. Na hmai kä na shung vai, thüikyap ciah ei ah mäih ah ei kä na ei vai.”

MIKHAH 1:11

Shaphi chang gui nami k’plui ah lü ng’a ne dawng vä, Zaanan chang gui kä luh law ah kyap ne pigaw kyong ah nami om vai, Betheyela chang gui ah kyah nami ng’yak ung yii vai kä om ciah nami hmat vai.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

LAMKTU 19:16

Cun kawn ah ngami cu khoshe ah kai ah chang naw, ak tä ah ng’toh püi gui ne m’khüt gui sei, leimbai u ne, ami suisak phi ng’phyit sei, cun ah im ungka dawng yawp ci gui.

JOHAN 21:7

Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

2 GHANGPUGHANG GUI 1:8

Ngami naw, “Ani naw savun awn pyan ah suinu sui ne, mehvun kheipat awn ng’pat ci” cik ci gui. Ghangpughang naw, “Cun cu Elijah nei” cik ci.

2 SAMUEL 6:20

Cun kawn ah David cu akyong chang gui yavaih khai ah a im ah hteit ba khäta, Michala naw law ne hmu lawk ci. Ani naw, “Israel ghangpughang naw tuh ngawi amät ah ming däm khai ah bik ci nei! Abawi gui ah changshäm-hnumi hta gui ma ah akgu ah mäih ah amät naw amät m’dang ci nei!” cik ci.

JOSHUA 5:15

Bawipa ah gakap bawi naw pyen nak ci, “Na phahnak suut ä, nang cu atheingcim hmun ung na ng’düi ci nei.” Ani naw a pyen ah mäih ah Joshua naw bik ci.

PHYAWN NAK 3:5

Khanpughi naw, “Kä ang nawn nen law ä, Na phahnak suut ä, nang cu khaw hmun theing ung na ng’düi ci nei.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

2 SAMUEL 15:30

David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

ISAIAH 37:2

Ani naw mang im ung angvaipi bawi Eliakim, mang im secretary shebna la taigü aghamhta gui cu Amoz ah hta prophet Isaiah ah tüi gui ci. Ngami cun phi thüisui sui ci gui.

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

EZEKIEL 4:1

Khanpughi naw pyen ci, “Hnicim chang, ukhe tumat cu la ne, nama ah than eta, Jerusalem mang gaw cu amwng chüt ne g ei ä.