ISAIAH 2:8 - Cho Bible Common Language 2016

⁸ Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

ISAIAH 2:8 Referans Kwoze

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

JEREMIAH 2:28

“Nami mät ah phäh ah nami pyan ah khanpughi gui cu a hawi ang? Khüikha nak ung nami gawk sang ung a cun gui naw ning hun u sä — kä ning hun hning khai ma! Judah, nang ung nami mang gaw gui chü ah da ciah khanpughi gui om ci nei.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

LAMKTU 17:16

Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

ISAIAH 17:8

Ngami naw ami mät ah knt awn ami pyan ah sonkiang gui cu kä yum ba khai gui, ami mät ah hnthnün ah kyak ciah — khanpughi um Asherah ah müi la ang ui ami m’khih nak ah sunkiang gui cu kä ngaih u ba ci gui.

2 SHONTÄP NAK 27:2

Ani naw apa ah bi ah mäih ah Bawipa naw am hni vai ah bik ci; cun ung phi apa ah mäih ah Taigüim kyong ah ang ui m’khih nak cu kä bik ci. Chang gui läi cu hma nak bi lä ci gui.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

1 GHANGPUGHANG GUI 16:7

Cun ah Bawipa ungka lawk ciah ng’thu naw Baasha la a kyong chang gui cu hnungtuk püi ci, cun cu Baasha naw katnak bi ne Bawipa a hnungtuk püi ah prophet Jehu naw a peit ah kyak ci. Ani naw Bawipa amlungshe sak cu ama ungka Jeroboam ghangpughang ah mäih ah ama ung akshe abi ah phäh bäng ah kä kyak ci, Jeroboam ah kyong chang gui avan a ngawn gui ah phäh ah phi kyak ci.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

ISAIAH 40:19

Ani cu chang ah pyan ah a gup ah mäih ah kä kyak ci, Cun cu m’si shep ci gui naw ghui awn vook ne, ang’nei ngui awn ami pyan ah kyak ci. Cun cu m’si shep ci gui naw ghui awn vook ne, ang’nei ngui awn ami pyan ah kyak ci.

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

JEREMIAH 1:16

Kei naw ka chang gui cu ka m’kyuk gui khai, a i ah kyasei ci ung ngami cu hma kak ci gui: ngami naw kei na nawng ci gui, ahei Khanpughi am khawihnah douthak ci gui, agup gui pyang ne khawihnah ci gui.

2 GHANGPUGHANG GUI 17:10

Khomhtung khan avan la sing ghing ah hnim ka phung ung lung tung gui la Asherah khanpughinu ah a gup cu tha ci gui,

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

MIKHAH 5:12

Kei naw nami cecai nak gui ka m’di khai, pui tu kaih ci a u kä om ba khai.