ISAIAH 2:6 - Cho Bible Common Language 2016

⁶ O khanpughi, Jakob ah htangshon, na chang gui cu na nawng gui pyi ci nei! Ami khaw cu akyang täng ung ka la philistia ung ka cecai nak bi nak awn be ci nei. Chang gui naw a khawhei thungyo cu läk ci gui nei.

ISAIAH 2:6 Referans Kwoze

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

2 GHANGPUGHANG GUI 1:2

Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

NG’ÄI KYAH 5:20

A i ah kyasei akshou nu keimi na na nawng gui ang? Nang naw na na shüm ba gui mä khai ang?

JEREMIAH 10:2

Ngai vä. Ani naw pyen ci, “Ahei pakhui gui ah lam cu kä nami läk vai; kä hmuh man gui khomikung dang sei, ahei pakhui gui ami kyihkyawk ung phi, cun naw nangmi kä ning tüihtok en gui sä.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

NG'THU K'THUUK~ 6:1

Ka hta, chang tumat ah puu ah phäh ah maa na ne shai na tak om ne ang?

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

NEHEMIAH 13:23

A cun ah khin ung Jew chang gui akda naw Ashdod, Ammon, la Moab ung hnumi gui cu chu na u sei ka hmuk ci nei.

2 SHONTÄP NAK 24:20

Cun kawn ah Khanpughi ah mümcha naw Taigü Jehoiada ah hta Zechariah cu k’pang ci. Ani cu chang gui naw ami hmu nak vai ung ng’düi neta ng’khü ci, “Khanpughi Bawipa naw ning shi gui ci, a i ah kyasei ani ah thumkhän gui kä nami läk ne a i ah kyasei nami mät naw nami mät ah khan ah leigai nami law püi ang! Nangmi naw nami nawng ah kya ne, ani naw ning nawng ba gui ci!

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

KHEI NAK 23:7

Balaam naw shin ah cängbang nak cu ng’shäu ci: Moab ghangpughang Balak naw kei cu Siria khaw ak kyang lam khaw gui ungka naw na law püi ci. Ani naw, ‘Law ne kei ah phäh ah ng’thu ä’ ‘Israel chang gui plah tam gui ä,’ cik ci.

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

PHYAWN NAK 22:18

“Cuun ciah hnumi cu ngawn vai.

1 SAMUEL 6:2

Chang gui naw taigüpa gui la cecai ci gui cu khü gui u neta, “Bawipa ah Thukhän M’küm ah mawng cu a i hawkcha ah bi vai ang? Ka nak ci gui am mi thak ba gui vai a kyak ung, a i awn m’khah ne mi thak ba gui khai ang?” cik ci gui.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

JEREMIAH 12:7

Bawipa naw pyen ci, “kei naw Israel cu ka nawng ci nei; kei naw ka ghü ah pakhui cu ka hnungtuk püi ci nei. Kei naw ka m’hni gui ah ka chang gui cu, ami ga gui ah huham ung ka pe gui ci nei.

MIKHAH 5:12

Kei naw nami cecai nak gui ka m’di khai, pui tu kaih ci a u kä om ba khai.

ZEPHANIAH 1:8

Bawipa naw, “Cun ah ngawn sheh hnüüp ung bawi gui, ghangpughang ah hta gui la chang khui hei ah thungyo läk ci gui cu ka m’kyuk gui khai.

2 GHANGPUGHANG GUI 17:20

Bawipa naw Israel gui ami van hnungtuk püi gui ci, m’kyuk gui ne, m’ghämce ciah ga ah kut ung ap gui ne, ami van ama ung maih sak gui ci.

MIKHAH 5:11

Na khaw ungka na mang gaw gui ka m’di khai, na ng’vong khaam avan ka m’shet khai.