ISAIAH 2:3 - Cho Bible Common Language 2016

³ ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

ISAIAH 2:3 Referans Kwoze

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

THULÄÄN NAK 6:1

Shin gui cu ka ning m’theithang gui vai ah Bawipa nami Khanpughi naw ana thumkhän ah thukhän avan ah kyak ci. Nangmi naw khäm ne nami luh law nak ah khaw ung nami läk vai ah kyak ci.

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

THULÄÄN NAK 33:19

Ngami naw a khaw hei chang gui cu, ami khomhtung ah shui la u neta, A cu ah hman ciah khawihnah cu douthak ci gui. Ngami naw ami khawh cham cu tuinu ung la tuinu kem laigin ungka gah ci gui.”

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

SAM 119:171

Kei naw angtäi sei ka ning m’tam khai, nang naw na thukhän gui cu na na m’thei ci.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

ISAIAH 28:9

Ngami naw kei ah mawng ng’cuh ci gui. Ngami naw, “Ani naw a i ah na ngai gui ne am theithang ang? Ani ah thu pyen a u naw ng’ya hlük ci ang? Shin cu sukchah thai ciah a hmaw hta gui ah phäh ah vah nik khai nei!

ISAIAH 56:5

Na ming cu kei ah Taigüim kyong ah shüm ba khai gui, kei ah ka chang gui ah ng’lung ah htanu, htapa m’hnih gui khai.”

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

EZEKIEL 40:2

Cun ah muimang ung kei cu Khanpughi naw Israel khaw ah na hteh püi neta, khomhtung hlüng ah khan ah na chah ci. Kei naw ka ma ung mang gaw ah mäih ah im gui om cicu ka hmuk ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

ESTA 9:27

Jew gui naw ami mät ah phäh, ami htangshon gui la Jew ah kya law tuk ci gui ah phäh ah thukhän ami pyan ah kyak ci. Cun cu a kum tä sei akhin päng ung Mordekai ah m’shümthein ah mäih ah shin ah hnüüp goi cu aküikyang ah tha ah kyak ci.

SAM 102:23

Bawipa naw ka nong yah ge ung ka thagui na ken sak ci; ka ghin nak phi na tawi sak ci.

ISAIAH 1:26

A can ka ah mäih ah kei naw uktu gui la ng’cäi ä ci gui cu ka ning pe gui khai. Cun kawn ah Jerusalem cu düng ciah bekhüt ciah mang gaw ah khü vai.”

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

ISAIAH 19:23

Cun ah khin a gawk law ung, Egypt la Assiria ah ang la kung lamw tumat om lark khai. Cun ah khaw goi ung om ciah chang gui cu goi ah ng’lak ung hteit hton u ne, lula khai gui, chang pakhui goi naw atäng ah khawihnah khai gui.

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.