ISAIAH 2:19 - Cho Bible Common Language 2016

¹⁹ Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

ISAIAH 2:19 Referans Kwoze

ISAIAH 2:10

Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

ISAIAH 2:21

Bawipa law ne khomdek ak thün law ah akyak ung, chang gui cu ani ah m’lungshe nak ami phiann nak vai la a huham la abämang nak ung ami ng’thuh nak vai ah, khui gui la lung m’htung khui gui ung k’tha na ne ng’thup khai gui.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

HEBRU 12:26

Cun sang ung Khanpughi ah ng’thu naw khomdek cu thüng sak ci nei. Cun bäng ah kä kyak ciah, tuk bäi, Bawipa naw, “Kei naw hnü ät mä, khomdek bäng ah kä kya ciah, khankho phi ka thüng sak khai nei,” cine shai a taak om ci.

HAKKAI 2:6

“Khomdek la khakho, tuinu la khawkawng, kä ka thüng sak pha hta ng’lung ung,

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 16:18

Acun ung khaw lailäp ne ng’hmum ne ng’kyeek ne, shihpi ng’thüi ne thüng lawk ci. Chang ah ng’tüi kawn ung shin ah mäih ah shihpi kä thüng man ci. Cun cu akshekha pibäih ah kyak ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

THU PHLAAN 9:6

Cun ah chaa hma ah kyong ung chang gui naw sih nak vai shui khai gui, cun ung phi kä hmuk khai gui, ngami cu si hlük khai gui, cun ung phi sih nak naw lek gui khai.

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

MIKHAH 7:17

Ngami cu k’phyu ah mäih ah m’vut ung ng’yawi u ne, ami yai nak ungka lawk khai gui, ng’thüng ne kyik khai gui, ngami cu kyikyawk u ne Bawipa ami Khanpughi ah ng’hlat khai gui nei.

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

ISAIAH 30:32

Bawipa naw ngami cu leng ba ba ne a thah gui yah ung, ani ah achang gui cu tingtäng htikbei tum ne akhin pyi sak khai gui. Khanpughi amät naw Assirian gui cu ng’tuk püi gui khai.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

JOB 9:6

Khanpughi naw shihpi thüng sak ne kho m’dek cu k’thüng ci; kho m’dek han dä ciah k’tung gui phi k’thüng ci.

ISAIAH 7:19

Ngami cu lung chawng kho ng’nawi gui, lung khui gui ung ng’phäi u ne, ng’hlingk’cam gui la khulim khaw gui nü küm khai gui.

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ISAIAH 24:19

M’dek cu teek ne, ng’phiäk ne, ng’bou neaang khai.

ISAIAH 33:10

Bawipa naw chang pakhui gui pyen na gui ci, “Tuhbäi kei ka hnüntho khai nei. Kei a i hlawk ah ka huham mah cu kei naw ka m’dang khai nei.

JEREMIAH 4:29

Ng’se ng’cum chang gui la likap chang gui ah k’aw ami ng’yak ung, chang nü cu dawng khai gui. Am shah cu bung hmu ah dawng khai gui, amshah cu lungsong gui ah ng’lung ah kya khai gui. Gawnu päng ung a i kä om ba khai, acun ah hmun ung a u phi kä om ba khai.

JEREMIAH 48:28

“Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

EZEKIEL 33:27

“M’thein gui ä, kei uktu Bawipa akcang ah ghing ciah Khanpughi naw ng’thu ka k’bäi gui cu, ng’phyek ciah mang gaw gui ung om ciah chang gui cu ngawn gui vai nei. Shin ah khopäng ung om ciah chang gui cu khisa naw ei gui khai nei. Khomhtung la lungkhui ung ng’thup ciah chang gui cu gaw pyam ne sik khai gui nei.

NAHUM 3:11

Nineveh, nang phi tui kha li ng’lung ung na lut khai. Nang phi na ga gui ah kut ung na phiawn vai ah Na k’tha nak khai.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

2 SAMUEL 22:46

Ngami ami k’tha maih ci, Ami mangpang ungka ng’hlet ne lawk ci gui.