ISAIAH 2:11 - Cho Bible Common Language 2016

¹¹ Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 2:11 Referans Kwoze

SAM 18:27

M’lung neim ci gui cu na hun gui ci, m’ghänce ci gui cu na ng’neim sak ci.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ISAIAH 24:21

Akhan ung huham gui la khomdek uktu gui Bawipa naw am kyuk nak gui vai ah akhin cu gawk lawk ci nei.

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

ISAIAH 12:4

Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!

MIKHAH 4:6

Bawipa naw, “Akhin gawk lawk ci nei, ka m’kyuk ah ka chang gui, ka k’bum ba gui khai, ngami cu omktu khaw ah geinvai ci gui.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

EZEKIEL 39:22

Cun kawn ah Israel gui naw kei cu Bawipa ami na Khanpughi ah hmat khai gui.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

2 KORIN 10:17

Cacim ung, “Khähghah hlük ciah chang cu Bawipa ah bilawh ah hmawk ah khäghah sä” ciah om ci.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

ZEKHARIAH 9:16

Cun ah hnüüp a gawk law ung, Bawipa naw a chang gui cu, Htoshäm naw htome gui kyihkyawk nak ung a hun gui ah mäih ah hun gui khai. Ngami cu ani ah khaw ung pyülung lukhu ah mäih ah ng’shü khai gui.

ZEPHANIAH 3:16

Jerusalem am thu ami pyen nak vai a khin gawk lawk ci nei “Zion mang gaw kä na kyih vai, na kut kä na chaak phung vai!

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

MIKHAH 5:10

Bawipa naw, “Cun yah ung na ng’se gui cu k’täm ne, na ng’hle gui cu ka m’di khai.

OBADIAH 1:8

“Kei naw Edom ka m’kyuk hnüüp ung, Lunglang ciah ami chang gui cu m’di gui ne, ami cüivai nak avan cu ka m’shet khai.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

HOSEA 2:21

Cun ah khin ung kei naw ka chang gui Israel gui ah taigü cu ka m’shang khai. Kei naw khomdek khan ah khaw ka aa sak khai. Cun ung khomdek ung htang ni, sapyit ni, olive ni gui cu m’theih pai khai gui.

HOSEA 2:16

Cun kawn ah ani naw acei ah na khü ba khai — Ani naw ani ah Baala ah kä na khü ba khai.

EZEKIEL 39:11

Bawipa naw pyen ci, “Cun gui avan a kyak law ung, kei naw Kok am Israel khaw ung phuh hmun ka pek khai, cun cu Tuisi Tuinu ah ak kiang täng lam hteit gui ah khong nawi ung ah kyak ci. Kok la a gakap gui avan cu acun ung phuh gui khai gui, cun ah khong nawi cu “Kok ah gakap gui ah khong nawi ah khü khai gui.

EZEKIEL 38:19

Kei naw angdang ah ka pyen cu, cun ah hnüüp ung kei ah ka m’lungshe nak ah ang ling naw Israel khaw cu aknui ah shipi ah thüng sak khai.

EZEKIEL 38:14

Cun ah kyasei uktu Bawipa naw ani am a pyen nak gui cu Kok am ka m’thein vai ah kei cu na tüi ci: “Tuhbäi kei ah ka chang gui, Israel gui cu ngaih gep ne ami om yah ung, nang cu tün ne

JEREMIAH 9:24

Chang tumat cu a khäh ghah hlü ah a kyak ung, kei ana hmat nak la ana hmuhmat nak awn a khäh ghah vai, a i ah kyasei ci ung, kei ah ka m’hni nak cu ng’täi ci, kei naw taga ci la düng cicu ka bik ci. Kei, Bawipa naw ka pyen ci.”

ISAIAH 52:6

Akhin a gawk law ung, kei khanpughi ah ka kyak la kei naw ka ning thu gui cu, nangmi naw nami ng’kiaa khai nei.”

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ISAIAH 29:18

Cun ah hnüüp a gawk law ung a paang naw ca uk akdäm ah ami phat cu ng’yak khai, amik m’dauk hmüp khui ung om cicu amik m’dei sei hmu lawk khai.

ISAIAH 28:5

K’pawih ciah a chang gui ah hmawk ah, bäimang ciah cheipai lukhu ah mäih ah m’gäi ah m’gäi ciah Bawipa a kyak nak ah knüüp cu gawk lawk ci nei.

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 4:1

Cun ah khin a gawk law ung, hnumi chik naw pami tumat cu, ang ghitah pha ne k’pang u neta, “Keimi kami mät kami sui ei hning ci nei, cun ung phi nang cu kami ning cei ah na pyen sak gui ä, cun ung keimi ung kä ceimah ne lü ng’aa nak kä om khai nei.”

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

2 SAMUEL 22:28

Amlung neim sak ci gui cu na hun gui ci, Chang om ci gui cu na neim sak gui ci.

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

NG'THU K'THUUK~ 30:13

Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

ISAIAH 23:9

M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

MIKHAH 2:3

Cun ah kyasei Bawipa naw, “Nangmi ah di nak vai ka pawng püi pyi ci, a u phi kä phyawng khai. Nangmi cu nami mät yaica nak ung nami lut ci. Lä-e ne kä nami hteit hton ba hlawt khai.

SAM 18:28

O Bawipa, nang naw akdei na na pek ci, Ka hmüp nak cu na dei sak ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 94:2

Nang cu chang van ah suki ah na kyak ci; tho law ne, chang ah ng’shei ci gui ah om ih cu m’cha pe gui ä!

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 14:15

Cun ung phi cun nak vaisü ung, nang cu sihnak ah khaw akthuk nakpi ung nang cu ning law püi ci gui nei.

ISAIAH 40:23

Ani naw huham mah ciah uktu gui cu yuk chagui ne, akholä ah kyak khai gui ah hnim gui ci nei.

JEREMIAH 12:9

Kei ah ka ghü ah chang gui cu k’phle gui naw avan ung vun ne ami tuk ah kha ah mäih ah kyak ci gui nei. Khisa gui law ne ei ami ei law tu vai ah khü gui vä!

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.