ISAIAH 2:10 - Cho Bible Common Language 2016

¹⁰ Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

ISAIAH 2:10 Referans Kwoze

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

ISAIAH 42:22

Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?

JOB 31:23

A i ah kyasei ciung kei naw Khanpughi ah m’kyuk nak cu ka kyih ci nei. A cun ah mäih cu kä ka bi phung khai nei.

JOB 40:13

Ami van m’dek ung k’phuh gui ne Sih nak ah kho ung m’dawn gui ä.

SAM 145:12

Cun ung kyasei m’gäi ciah na bi lawh la bämang chünla ciah na uknak kho cu chang van naw hmat khai nei.

ISAIAH 25:11

Ngami naw tui ng’väk vai ah k’tha nak ah mäih ah ami kut cu shäng khai gui, cun ung phi khanpughi naw ngami cu hnim gui sei, ngami ah kut cu am gein kaa ah kyein khai.

JEREMIAH 13:9

“Shin gui Judah ah ng’shei nak la dämduh ciah Jerusalem ah ng’shei nak cu kei naw a i hawkcha ka m’di khai ciah kyak ci.

NAHUM 3:11

Nineveh, nang phi tui kha li ng’lung ung na lut khai. Nang phi na ga gui ah kut ung na phiawn vai ah Na k’tha nak khai.