ISAIAH 2:1 - Cho Bible Common Language 2016

¹ Shin cu khawpughi naw Amoz ah hta Isaiah am a pek at Judah la Jerusalem ah a mawng ng’thu ah kyak ci:

ISAIAH 2:1 Referans Kwoze

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

HABAKKUK 1:1

Shin cu Prophet Habakkuk ah ma ah Bawipa naw ng’thu am than ah kyak ci.

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

MIKHAH 1:1

Judah khaw ung Jotham, Ahaz la Hezekiah ni cu ghangpughang ah ami kyak yah ung, Moresheth gawnu ungka Mikhah am Bawipa naw ng’thu pek ci. Samaria La Jerusalem ah amawng gui avan cu Khanpughi naw Mikhah ung thu am than ah kyak ci.

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

2 GHANGPUGHANG GUI 19:2

Ani naw Eliakim, mang im ung ami ng’vai bawi; Shebna, yung bawi la taigü ng’vai gui cu Amaz ah hta prophet Isaiah ah tüi gui ci. Ngami ami van phi suishe sui ci gui.

MIKHAH 4:1

Cun ah hnüüp a gawk law ung Taigü im ah khomhtung cu avan ah hlüng pikbäih khai, m’htung avan ah khan ah tänghän ah kyak khai. Changpakhui akda law ne ng’bum khai gui,