ISAIAH 19:5 - Cho Bible Common Language 2016

⁵ Nile tuinu cu kawi ne, tuinu avan kyäp kyäp ah ket khai nei.

ISAIAH 19:5 Referans Kwoze

JEREMIAH 51:36

Cun ah kyasei Bawipa naw Jerusalem chang gui a pyen nak gui cu, “kei naw nangmi ah mawngma cu la u ne, nangmi ah khan ah ami bi ah mäih ah nami ga gui ah khan ah ka bik khai. Kei naw Babilonia ah tui khawng cu kawi sak ne, a tuinu gui ka ket sak khai.

EZEKIEL 30:12

Kei naw Nile tuinu cu ket sak ne, Egypt cu chang shekha gui ah huham ka ah ka tha khai. Khohei chang gui naw cun ah khaw avan cu m’dishum khai gui. Kei Bawipa naw ka pyen nei.”

ZEKHARIAH 14:18

Egypt chang gui naw ng’yii nak ei pawi bi vai ah ami maa ah a kyak ung, acun ah mäih ah mak ciah pakhui päng ah khan ah, Bawipa naw a yuk chah law ah leigai naw ei gui khai.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

JOB 14:11

Tui kä long ba ciah tuinu ah mäih, tui kawi ne ket ciah tuili ah mäih ah kyak ci nei.

ISAIAH 15:6

Nimrim tuilawng cu ket ci, a pei yun ah khumghaw gui cu chawng yawp ci, a i phi khu ching kä om ba ci.

ISAIAH 23:11

Bawipa naw tuinu ah khan ah a kut shäng ne, uknak kho gui cu shet sak ci nei. Ani naw Phoenician sumlei hmun gui m’di vai ng’thu k’bäi pyi ci nei.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

ISAIAH 37:25

Nang naw akhaw hei khaw ung tui shawk ne, tui na awk ciah pyen ne, na gakap gui naw ami khaw awn nile tuinu kawi khai ah leh ci gui ah pyen ne, na khähghah ci nei.