ISAIAH 19:4 - Cho Bible Common Language 2016

⁴ Kei naw Egypt chang gui cu ngetngawng m’gäim’cik ciah ghangpughang om, ngami uk gui khai am ka ap gui khai, kei, m’gäi ciah Bawipa naw ka pyen nei.”

ISAIAH 19:4 Referans Kwoze

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

EZEKIEL 29:19

Cun ah kyasei, tuhbäi kei uktu Bawipa naw ka pyen cu; kei naw Egypt khaw cu ghangpughang Nebukhadnezzar am ka pek ci nei. Ani naw Egypt ah khawh cham avan cu guttep ka na neta, a gakap gui ah lakha vai phäh ah hteh püi yawp khai.

JEREMIAH 46:26

ngami ngawn hlü gui ciah Babilonia ghangpughang Nebukhadnezzar la a gakap gui am ka ap gui khai. Cun ung phi a ngawi ah, ng’pyi pyi ciah akhin ung ami om man ah mäih ah chang gui cu Egypt ung om ba khai gui. Kei, Bawipa naw ka pyen ci.”

ISAIAH 19:2

Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.

SAM 31:8

Ka gaa gui naw ami na näng vai ah nang naw kä na m’awng ci, ka ng’yak nak hlü ah ka hteh vai ah ng’pängye nak na na pek ci.

1 SAMUEL 23:7

David keilah ah a hteh ah mawng cu Saul am m’thein ci gui. Ani naw, “Khanpughi naw ani cu kei ah huham kyong ah tha ci nei. Akhäng ah m’kawt pyang ne, k’pang ah gawnu ung hteit ciah David cu amät naw amät pha pyi ci nei,” cik ci.

EZEKIEL 30:12

Kei naw Nile tuinu cu ket sak ne, Egypt cu chang shekha gui ah huham ka ah ka tha khai. Khohei chang gui naw cun ah khaw avan cu m’dishum khai gui. Kei Bawipa naw ka pyen nei.”

NAHUM 3:10

Cunung phi Thebes chang gui cu khaw ah Ak pung ah ami hteh püi gui nei. Lam m’hlawng päng ung ami hta gui cu sik khai ah ami thah gui nei. Ami ng’vai gui pha ne khit u sei Pha gui ci cui ah ng’lung ah püi pyang ci gui.

ISAIAH 20:3

Ashdod ami khäm kawn ah Bawipa naw a pyen cu, “Kei ah ka changshäm Isaiah cu khokum thum ung akplui ah phahnak kä ng’cum ne om ci nei. Cun cu Egypt la sudan ung a i ah kya lawk khai cicu m’hnüt nak ah kyak ci nei.