ISAIAH 19:24 - Cho Bible Common Language 2016

²⁴ Cun ah khin a gawk law ung, Israel gui cu Egypt la Assiria awn tang khai gui, shin ah pakhui thum cu khomdek khan avan ah hmawk ah nriham ah kyak khai gui.

ISAIAH 19:24 Referans Kwoze

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

ROMAN 15:27

Cun ah ami k’bäi cu, chang ah bi sak gui ah kä kyak ci, ami mät ah ngaih ah, ami mät ah m’gein nak awn ami bi ah kyak ci, pyamthaam ci m’gein tu vai cu ngami ah bi ah kyak ci. Jew chang gui naw, khui hei chang gui am, ami mümcha hrilham cu ami teipai tu gui ah kya sei, khui hei chang gui naw phi, Jew chang gui am ami pumsa hrilham cu, ami teipai gui vai ah kyak ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

ISAIAH 66:12

Bawipa naw pyen ci, “Kei naw kä ng’pyi hlawt ciah bühmang nak cu ka ning thak law gui khai nei; kä kawi hlawt ciah tuinu ah mäih ah chang pakhui gui ah khawh chan cu nangmi ung long lawk khai nei. Nangmi cu, anu naw m’hni ne, a kut awn k’pawnm ne, am htei htang ah a hmaw hta ah mäih ah nami kyak khai nei.

ISAIAH 49:22

Uktu Bawipa naw a chang gui pyen na gui ci, “Kei naw chang pakhui gui ka häi gui khai, cun ung ngami naw nami hta gui cu im ah law püi khai gui.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

ISAIAH 19:23

Cun ah khin a gawk law ung, Egypt la Assiria ah ang la kung lamw tumat om lark khai. Cun ah khaw goi ung om ciah chang gui cu goi ah ng’lak ung hteit hton u ne, lula khai gui, chang pakhui goi naw atäng ah khawihnah khai gui.

ISAIAH 19:25

M’gäi ciah Bawipa naw hriham pe gui neta pyen khai, “Kei naw hriham ka ning pe gui khai, Egypt, ka chang gui; Assiria, ka ning tüi sho gui; Israel, ka chang ghü gui.”

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.