ISAIAH 19:2 - Cho Bible Common Language 2016

² Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.

ISAIAH 19:2 Referans Kwoze

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

1 SAMUEL 14:20

Cun kawn ah ani la akchang gui cu Philistin gui tuk gui vai ah ng’güüt ne lawk ci gui, ngami cu ami mät ng’tu u ne, ng’tawh pah ci gui.

MATTHE 10:36

Chang tumat ung ak nget pi bäih ah aga cu, amät ah kyong ung kaa ah kyak khai nei.

MATTHE 12:25

Ngami ah m’lung ngaih cu hmat netah Bawipa Jesuh naw, “Khopäng tumat ung chang gui cu ami m’lung ngaih hnga hnga sei, ami mät gui ami ng’tuk-ah a kyak ung, cun ah khopäng cu kä shou pha sei, dimaih khai. Acun ah mäih ah m’lung ngaih kä kawng ät ciah pigaw, kä cun ung kyong khui cu kä khäng htek khai.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

EZEKIEL 38:21

Kei naw Kok cu leigai a hlü hlü awn ka kyih sak khai. Kei, uktu Bawipa naw ka pyen nei. Ani ah a chang gui cu ami khimsem gui awn tumat la tumat ng’tu tuk khai gui.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

1 SAMUEL 14:16

Benjamin khaw Gibeah ung gaw ngäng ciah Saul ah chang gui naw Philistin gui cu püpiang ne ami dawng cu hmuk ci gui.

SUKI GUI 9:23

Cun kawn ah Khanpughi naw Abimelek la Shekhem chang gui cu ng’gen sak gui sei, ngami naw ani cu hnung’tuk püi ci gui.

MATTHE 24:7

Chang pakhui tumat la tumat uknak khopäng tumat la tumat, ng’tuk nak om khai. Akho päng ung ei vai maih khai, shihpi thüng khai,

JEREMIAH 46:12

Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

JEREMIAH 51:46

Ng’thu ng’lak nami ng’yak ah phäh ah nami k’tha kä ken sä, kä kyikyawk vä. A kum tä sei ng’thu ng’lak aheihei cu püi thei ci — khaw ung kiawi m’sa nak gui, ghangpughang tumat la tumat ng’tuk nak cu gawk law thei ci.

ZEKHARIAH 8:10

Kä cun pha ung m’khüt hning ci a u kä om ci, chang phi kä om ci, sei saya phi kä om ci. A u phi ami ga gui ah kut ung phyawn sak gui ci kä om ci. Chang gui tumat la tumat ka ng’hnungtuk sak gui ci.

1 GHANGPUGHANG GUI 16:21

Israel chang gui cu ng’pai ci gui, amshah naw Kinath ah hta Tibni cu ghangpughang ah kyak sak hlük ci, amshah Omri cu ng’ya hlük ci.

2 SHONTÄP NAK 15:6

Pakhui khaw tumat naw a hei khui khaw yawshe nak ci. Mang gaw tumat naw a hei mang gaw yawshe nak ci, a i ah kyasei ci ung Khanpughi naw ngami ah khan ah khüikha nak la geinvai nak law püi sei kyak ci.

ISAIAH 3:5

Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.

MAKUH 3:24

Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.