Biblia Todo Logo
Bib sou entènèt

- Piblisite -




ISAIAH 19:14 - Cho Bible Common Language 2016

14 Ng’ganggam ciah m’shümthein nak ami pek vai ah Bawipa naw ci gui ci nei. Akhnu ah Egypt naw ang nü cu chei maih khai ah bikci nei cun cu awktat ne kin shüi shüi ne amshah ung ng’hlawk ciah müih ah kyak ci nei.

Gade chapit la Kopi




ISAIAH 19:14
20 Referans Kwoze  

Cun ah kyasei Khanpughi naw hmakat nak ah hlüngtai nak cu cun ah chang gui ah ng’lung ah bi bik khai ah tüi law sei, ngami naw akshekha cu akcang ah ngai ne yum ci gui.


Bawipa naw kei cu na pyen nak ci, “Kei, m’gäi ciah Bawipa, Israel khanpughi naw ka thumkhän gui cu chang gui am m’thein gui ä, ngami hnungtuk gui khai ah kei naw ka tüih law ng’tuk nak awn awktat ne m’sha ne, kyu ng’täng ne kä ami thawh law ba hning güt ung ami awk vai nei.


Ngami cu hmüp khui ah ng’vaak u ne, awktat ciah mäih ah kyu shüi shüi ci gui.


Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.


Bawipa naw pyen ci, “Moab cu awktat sak vä, a i ah kyasei ci un gkei ana hnung tuk püi ah phäh ah kyak ci. Moab cu amät ah m’lauk ung ng’hkei khai, chang gui naw gaih tuk khai gui.


Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”


Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.


Khanpughi cu khüighat ne angtäi sei näng m’khüt ci; hleeihlak la hleeihlak ci gui cu ani ah huham kiong ah om ci.


Cun kawn ah Khanpughi naw Abimelek la Shekhem chang gui cu ng’gen sak gui sei, ngami naw ani cu hnung’tuk püi ci gui.


Mikaiah naw khüüp nak ah a pyen cu, “Shin ah nei akiak. Shin ah prophet gui naw ami ning m’hleei vai ah Bawipa naw bik ci. Cun ung phi shin ah leigai na awt vai ah amät naw a bi ah kyak ci.”


Nang cu na lulang ung m’tam nak na gah khai, na gu ang ung chang gui naw ning yuk teng khai gui.


Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.


Shin ah chang gui matawn ci gui naw lam hma sak gui ne, apum ah ng’cawn kan sak gui ci.


Khomdek amät cu awktat ciah chang ah mäih ah kyu shüi shüi khai, puikho khi ung phung hta ah mäih ah ng’khän shüi shüi khai. Khomdek cu a katnak naw geih khüp ci, cun cu yung kyak khai, a i sang ung phi kä tho law ba khai.


Swiv nou:

Piblisite


Piblisite