ISAIAH 19:13 - Cho Bible Common Language 2016

¹³ Zoah la Memphis ah ami ng’vai gui cu ang laan ci gui nei. Ngami cu pakhui kmshüm khai gui ah kyak ci, cun ung phi ngami naw km hma a gui nei.

ISAIAH 19:13 Referans Kwoze

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

JEREMIAH 46:19

Thawng kium ah nami kiak khai ah om ge vä, nangmi Egypt chang gui! Memphis cu khong gau ah kyak sak ne di ne a u ah kä om nak ah kyak khai nei.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

ISAIAH 19:11

Zoan mang gaw ah ami ng’vai gui cu ang laam ci gui nei! Egypt gui ah cüivau pikbäih ciah chang naw akshekha pikbäih ah m’shüm thein gui ci nei! Ngami naw, ngami cu cau hmumat chang gui la ghangpughang gui ah ng’shon m’täm ci gui ah pyen ne, ghangpughang am a i ah ami

1 PETER 2:7

Cun ah k’toulung cu nami yum ci gui ah phäh ah, ak küikyang ah kyak ci, kä yum ciah chang phäh ah; “Lung im co ci naw a ghawh ah lung cu, Ak küikyang pi ah k’toulung ah kya lawk ci.”

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

EZEKIEL 30:16

Kei naw Egypt cu mei awn ka m’khih khai, Pelusium cu ka natsak khai. Thebes ah mang gaw k’paang gui cu ng’gäi khai, mang gaw cu tui naw lin khai.

1 SAMUEL 14:38

Cun kawn ah Saul naw chang vai gui am, “Sha law ne, tuhngawi a i katnak a om ah shui vä.

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

JEREMIAH 44:1

Egypt khaw ah om ciah Israel chang gui avan ah mawng, Bawipa naw kei ung thu pyen ci, cun gui cü mikdola, Tahphanhes, Memphis mang gaw gui la khopäng ah a htumtäng ung om ci gui ah kyak ci.

EZEKIEL 30:14

Kei naw Egypt ah a thum täng cu shiu sak ne, a siiptäng ah Zoan mang gaw cu mei awn ka m’khih khai. Kei naw Thebes mang gaw küi cu ka m’kyuk khai.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.