ISAIAH 19:11 - Cho Bible Common Language 2016

¹¹ Zoan mang gaw ah ami ng’vai gui cu ang laam ci gui nei! Egypt gui ah cüivau pikbäih ciah chang naw akshekha pikbäih ah m’shüm thein gui ci nei! Ngami naw, ngami cu cau hmumat chang gui la ghangpughang gui ah ng’shon m’täm ci gui ah pyen ne, ghangpughang am a i ah ami

ISAIAH 19:11 Referans Kwoze

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

LAMKTU 7:22

Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.

ISAIAH 30:4

Ami ng’shäbawi gui cu Egypt khaw Zoan la Hanes mang gaw gui ung ami gawk law pyi pang ung phi,

SAM 78:43

Egypt khaw Zoan hmun ung am dang ah küikyang ciah a hnün thawh gui la cäi aih vai gui cu kä shüm ba ci gui.

1 GHANGPUGHANG GUI 4:30

Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.

SAM 78:12

Egypt khaw, Zoan hmun ung, ami pupa gui ah ma ah Khanpughi naw cäi aih vai gui cu m’dang te ci nei.

EZEKIEL 30:14

Kei naw Egypt ah a thum täng cu shiu sak ne, a siiptäng ah Zoan mang gaw cu mei awn ka m’khih khai. Kei naw Thebes mang gaw küi cu ka m’kyuk khai.

EZEKIEL 7:26

Lei gai tumat naw tumat läk lawk khai, ng’thu kshe cu ang shun ah name ng’yak khai. Prophet gui naw ami hmuh gui cu ami m’dang vai ah nangmi naw name ng’paa na gui khai. Taigü gui naw chang gui kä m’thei thang khai gui, agham hta gui naw m’shum thein nak kä pek khai gui.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

JEREMIAH 10:21

Kei naw ka m’hlan ci, “mi ng’vai hta gui cu gu aang ci gui; ngami naw Bawipa naw lam ana m’shüm gui vai ah kä k’thäh ci gui. Acun cu ngami ah ami shum nak ah kyak ci, cun ah kya ne mi chang gui cu püi pyang ci gui.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

ISAIAH 19:13

Zoah la Memphis ah ami ng’vai gui cu ang laan ci gui nei. Ngami cu pakhui kmshüm khai gui ah kyak ci, cun ung phi ngami naw km hma a gui nei.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

NG'THU K'THUUK~ 30:2

Kei cu chang ah mäih ah kä kya ne ui ai ah mäih ka lawk ci. Chang ung om khai ah lu hnga kei ung kä om ci.

SAM 92:6

Shin ah a mawng cu ak gu naw kä a hmat; ak ang naw kä a k’shing:

SAM 73:22

kei cu ui ai ah mäih ah kya ne; nang ah mawng cu kä ka ning hmat ci nei.

SAM 33:10

Bawipa naw changpakhui gui ah tängpang cu haih ci; ami pawng püi gui phi m’hlat yawp ci.

JOB 12:17

Ani naw uktu gui ah cüivai nak cu ghawt yawp ne, ang vaihta gu cu akgu ang ah mäih ah kyak sak gui ci.

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

JEREMIAH 46:17

“Egypt ghangpughang cu ming k’thai pe vä — ‘Pamcai ciah chang, ak chaw nawng ci.’

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.

OBADIAH 1:7

Nami ng’khawt püi gui naw ning m’hleei gui ci gui, Ngami naw nami khaw ungka ning k’täm gui ci gui, Ning dimdeeih püi gui ciah chang gui naw tuhbäi ning näng gui ci gui. Atäng ah nami ei awk ciah nami teihpüi gui naw nami awh nak vai cuun cuung ci gui. Ngami naw ning pyen na gui ci gui, ‘Ani ah lunglang nak cu a hawi ang?’ cik ci gui.

PHYAWN NAK 8:4

Cun gui cu nang ah khan ah, na chang gui ah khan la na bawi gui ah khan ah ng’pet ne yong khai gui nei’ cik ci” na ci vai.

PHYAWN NAK 8:14

Egypt chang gui naw k’u si gui cu k’bum u sei khaw avan ung thu ne ng’üng ci.

1 GHANGPUGHANG GUI 5:10

Cun ah kyasei Hiram naw Solomon naw ang yak hlü ah cedar sing gui la m’htai tung gui cu pe tak ci.

OBADIAH 1:8

“Kei naw Edom ka m’kyuk hnüüp ung, Lunglang ciah ami chang gui cu m’di gui ne, ami cüivai nak avan cu ka m’shet khai.