ISAIAH 19:1 - Cho Bible Common Language 2016

¹ Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

ISAIAH 19:1 Referans Kwoze

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

THULÄÄN NAK 33:26

Israel chang gui, nangmi ah Khanpughi ah mäih ah a i khanpughi phi kä om ci. Aktung khak ng’cuum ne khomik kaan ci, Khongmei ung cuum ne nang ning bawm khai ah lawk ci.

ZEKHARIAH 14:18

Egypt chang gui naw ng’yii nak ei pawi bi vai ah ami maa ah a kyak ung, acun ah mäih ah mak ciah pakhui päng ah khan ah, Bawipa naw a yuk chah law ah leigai naw ei gui khai.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

JEREMIAH 25:19

Shin cu cun ah khap un gawk ciah ahei chang gui avan ah kyak ci; Egypt ghangpughang abawi gui la angvai gui; Egypt chang gui avan la Egypt kho ung om ciah khuihei chang gui avan; Uz kho ung ghangpughang gui avan; Philistine mang gaw gui ah kyak ciah Ashkelon, Kaza, Ekron ung ghangpughang gui la Ashdod ung k’pawih ba ci gui, Edom, Moab la Ammon ung chang gui avan; Tire la Sidon ung ghangpughang gui avan; Mediteranean khaw ung ghangpughang gui avan; Dedam, Tema la Buz mang gaw gui; alu aktawi ah k’tei ciah chang avan; Arabia ghangpughang gui avan; Khong gau khaw pakhui gui ah ghangpughang gui avan; Zimri, Elam la media ghangpughang gui avan; Ashou, ang et ungka gui, assip täng ghangpughang gui avan ah kyak ci. Khomdek khan ah chang pakhui nü cu acun ung awk khai gui. Akhnu ah Babilonia ghangpughang naw acun ung awk khai.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ISAIAH 13:7

Chang pang ah kut cu hnaam yawp ne, chang pang ah tha yung kyak ci nei.

SAM 104:34

Kei ah ng’äi awn ani cu yeikyai khai, ka yeikyai nak cu ani ung ka lawk ci nei.

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

SAM 18:9

Ani naw khomik ng’kup sak ne kyum law sei, a kho ka ah ng’mei le ng’thoot ci.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

NAHUM 1:1

Shin cu Nineveh ah mawng ng’thu m’khäh, Elkosh ah ka Nahum naw a hmuh ah muimang m’cut gui ah kyak ci.

NAHUM 1:3

Bawipa cu kä m’lungshe yäi ci. Cun ung phi ani cu huham mah ci, Akshe cu kä m’kyuk ah kä nawng ci. Bawipa ah hteh nak ah puikhaw khi ci; Akhaw a chaan ung khaw ng’mei m’vut ah thawk ci.

KHEI NAK 33:4

Cun sangung ngami cu Bawipa naw a ngawn pek gui ah ami hta htük gui cu htüm tha ci gui. Shin ah abi nak awn Bawipa naw, Egypt khanpughi gui ah ta a huham mah nak cu m’dang ci.