ISAIAH 18:3 - Cho Bible Common Language 2016

³ Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

ISAIAH 18:3 Referans Kwoze

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

MATTHE 13:16

Nangmi ah hmawk ah a i hlawk ah yeikyai vai kyak ci ang? Nangmi cu nami mik m’dei ne nami hnga ng’lang ci.

MATTHE 13:9

Bawipa Jesuh naw akhnu ah, “Nami hnga a om ung ngai ne ng’yah vä,” cine kyak na gui ci.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

MIKHAH 6:2

Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.

JEREMIAH 22:29

O khonglei, khonglei, khonglei! Bawipa ah thu pyen cu ngai ä:

ISAIAH 13:4

M’htung khan ah k’aw cu ngai vä akdäm ah ng’bum ciah chang gui ah k’aw nei. Gamang Bawipa naw a gakap gui cu g’tuk bi vai ah pawng püi ci nei.

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

ISAIAH 7:18

Cun ah khin a gawk law ung, Bawipa naw m’hnüt nak ah tum ne, Nile tuinu ah sho pik bäih ciah tuihta gui ung ka, Egypt chang gui cu k’pi gui ah mäih ah ami law vai la, Assirian gui cu ami khaw ung ka khoi gui ah mäih ah ami law vai ah k’bäi gui khai.

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

ISAIAH 49:22

Uktu Bawipa naw a chang gui pyen na gui ci, “Kei naw chang pakhui gui ka häi gui khai, cun ung ngami naw nami hta gui cu im ah law püi khai gui.

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

MIKHAH 1:2

Chang pakhui avan naw shin cu ng’ya vä; m’dek khan ung om ciah chang avan naw shin cu ngai vä! Uktu Bawipa naw ning hnu na gui ne saksi khai nei. Ngai vä! A khankho im ung ka naw thu pyen ci nei.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.